Теъдоди ҳалокшудагон бар асари обхезӣ дар Бразилия ба 46 нафар расид

ДУШАНБЕ, 22.02.2023 /АМИТ «Ховар»/. Президенти Бразилия Луис Инасио Лула да Силва ба соҳили шимолии музофоти Сан-Пауло рафт, ки пас аз борони шадид, обхезӣ ва ярчҳо ба минтақаи офат табдил ёфтааст. Дар панҷ шаҳрдорӣ, ки зарбаи асосии офати табиӣ ба онҳо расидааст, ҳолати фавқулода эълон карда шуд. Дар бисёр ноҳияҳо таъминоти об ва барқ вайрон шуда, алоқаи мобилӣ кор намекунад. Дар ин хусус АМИТ «Ховар» бо истинод ба Euronews иттилоъ медиҳад.

Ҳадди ақалл 46 нафар ҳалок шудаанд, вале теъдоди ҳалокшудагон метавонад зиёд шавад, зеро тақрибан 40 сокини маҳаллӣ бедарак гардидаанд. Садҳо нафар одамон манзилҳояшонро аз даст додаанд.

Миқдори бориш дар ин минтақа дар як рӯз аз 600 миллиметр баланд шудааст, ки ин яке аз нишонаҳои баланд дар Бразилия тайи ин муддати кӯтоҳ ба ҳисоб меравад. Зарари ин ҳодисаи табиӣ ба обхезӣ ва ярчҳои сершумор, харобшавии биноҳои истиқоматӣ ва инфрасохтор оварда расонид.

Солҳои охир Бразилия аз якчанд офатҳои табиӣ азият кашидааст, ки ба гуфтаи коршиносон, сабабаш тағйирёбии иқлим мебошад.

Азиза ДАДАБОЕВА,
АМИТ «Ховар»

АКС аз манбаъҳои боз