Тоҷикистон ба Туркия кумаки аввалияи башардӯстона мерасонад

Февраль 7, 2023 17:08

ДУШАНБЕ, 07.02.2023 /АМИТ «Ховар»/. Ҷониби Тоҷикистон нақша дорад ба Туркия кумаки аввалияи башардӯстона расонад. Ин нукта 7 феврал дар мулоқоти роҳбарияти Вазорати корҳои хориҷии Ҷумҳурии Тоҷикистон ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон  таъкид гардид, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.

Зимни мулоқот ҷониби Тоҷикистон бори дигар ҳамдардии амиқи хешро бино бар заминларзаи шадид дар минтақаи ҷанубу шарқи кишвари дӯсти Туркия, ки боиси ҳалокати теъдоди зиёди шаҳрвандон ва хисороти бузурги моддӣ гардид, ба он ҷониб расонид.

Дар мулоқот омодагии Ҳукумати Ҷумҳурии Тоҷикистон ҷиҳати сафарбар намудани гурӯҳи ҳирфаии ҷустуҷӯӣ-наҷотдиҳии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои бартарафсозии оқибатҳои заминларзаи мазкур, инчунин расонидани кумаки башардӯстона иборат аз маводи аввалияи зарурӣ иброз гардид.

Бино ба иттилои Сафорати Ҷумҳурии Тоҷикистон дар Ҷумҳурии Туркия, ҳоло аз ҷониби мақомоти расмии Туркия оид ба ҳалок ва захмӣ шудани шаҳрвандони Тоҷикистон бар асари ин заминларза маълумот ворид нашудааст.

Намояндагиҳои дипломатии Ҷумҳурии Тоҷикистон дар Ҷумҳурии Туркия барои тамоси доимӣ бо шаҳрвандони Тоҷикистон, ки дар минтақаҳои Каҳраманмараш, Ҳатай, Османия, Адияман, Газиантеп, Шанлиурфа, Диярбакир, Малатия ва Адана қарор доранд, телефонҳои шабонарӯзиро фаъол намудаанд.

Телефонҳо барои тамос:

Сафорати Тоҷикистон дар Анқара:

+ 90 312 491 16 07; + 90 538 594 32 10 WhatsApp.

Консулгарии генералӣ дар Истанбул:

+ 90 212 426 50 54; + 90 536 446 17 71 WhatsApp.

АКС: Вазорати корҳои хориҷии Ҷумҳурии Тоҷикистон

Февраль 7, 2023 17:08

Хабарҳои дигари ин бахш

Дар шаҳри Лондон Ҷашни байналмилалии Наврӯз таҷлил гардид
Дар Теҳрон Ҷашни Наврӯзи байналмилалиро таҷлил намуданд
РАВАНДИ ОБИ ДУШАНБЕ. Сироҷиддин Муҳриддин: «Ба инсоният тақрибан 50 сол зарур омад, то талошҳоро дар масоили об муттаҳид намояд»
Дар Москва ҷаласаи Шӯрои иқтисодии Иттиҳоди Давлатҳои Мустақил баргузор шуд
Тоҷикистон ҳамкорӣ бо давлатҳои минтақаро муҳимтарин воситаи рушди муштарак ва таъмини сулҳу субот мешуморад
Ҳайати Тоҷикистон дар иҷлосияи Шӯрои вазирони корҳои хориҷии СҲИ дар Мавритания иштирок намуд
РАВАНДИ ОБИ ДУШАНБЕ. Дар Марокаш нишасти матбуотӣ оид ба Конфронси оби СММ баргузор гардид
РАВАНДИ ОБИ ДУШАНБЕ. Дар Қоҳира тадбирҳои муштарак ва ҳамоҳангӣ дар доираи Эътилофи ҷаҳонии обу иқлим баррасӣ шуд
Дар Душанбе вохӯрии панҷуми ҷашнии машваратии сарони давлатҳои Осиёи Марказӣ доир мегардад
Дар Душанбе ҷаласаи гурӯҳҳои корӣ оид ба делимитатсияи сарҳади давлатии Тоҷикистон ва Қирғизистон баргузор шуд
РАВАНДИ ОБИ ДУШАНБЕ. Дар Теҳрон бахшида ба Конфронси оби СММ-2023 нишаст баргузор гардид
Намояндаи Тоҷикистон дар нишасти сеюми вазирони энергетикаи Созмони ҳамкории Шанхай иштирок намуд