Дурнамои рушди ҳамкории Душанбе ва Москва баррасӣ шуд

Март 3, 2023 13:04

ДУШАНБЕ, 03.03.2023. /АМИТ «Ховар»/. Имконоти фаррохи сармоягузорӣ, ташаккули механизми судманди тиҷоратӣ, тақвияти соҳа бо роҳи ҳавасмандгардонӣ ва як қатор омилҳои дигари рушди равобит дар заминаи Конфронси нуҳум оид ба ҳамкории байниминтақавии Тоҷикистон ва Русия, дар бахши Душанбе-Москва самтҳои нави ҳамкории дуҷониба матраҳ гардид. Дар ин хусус ба АМИТ «Ховар» дар шуъбаи иттилотии дастгоҳи Раиси шаҳри Душанбе хабар доданд.

Дар ин бахш, ки ба муайянсозии имконот ва дурнамои рушди ҳамкорӣ байни шаҳрҳои Душанбе ва Москва нигаронида шуда буд, сармоягузорӣ, равобити мутақобилаи иқтисодӣ, низоми идоракунии иноватсионӣ ва комуникатсияи шаҳрӣ баррасӣ гардиданд. Ҳамчунин имконот ва роҳҳои маблағгузорӣ, аз ҷумла ҷорӣ намудани технологияи муосир дар идоракунӣ бо намунаи иноватционӣ муаррифӣ гардида, дар раванди татбиқ мубодилаи таҷрибаи ҳамдигарӣ зарур дониста шуд.

Душанбе-Москва бо самтҳои нави ҳамкории дуҷониба-ҳамоиши навбатӣ дар заминаи Конфронси нуҳум оид ба ҳамкории байниминтақавии Тоҷикистон ва Русия дар баробари намояндагони расмии сохторҳои давлатӣ, ҳамзамон соҳибкорону сармоягузорон ва хосса муаллифони лоиҳаҳои муосири технологиву иноватсиониро дар идоракунии механизмҳои инфрасохторӣ ба ҳам овард.

Тазаккур дода шуд, ки Душанбе — пойтахти Тоҷикистон имрӯз чун шаҳри рӯ ба рушд ва татбиқкунандаи технологияи комуникатсионӣ бо дастоварду имконоти фарох таваҷҷуҳро ба худ ҷалб мекунад. Ин аст, ки дар доираи ҳамоиш бо такя ба навовариҳо ва имконоти мавҷуда барои боз ҳам бештар ҷорӣ кардани технологияи иноватсиониву иттилоотӣ аз ҳарду ҷониб-Душанбе ва Москва лоиҳаҳои ҷадид муаррифӣ ва пешниҳод шуданд. Татбиқи тавафуқоти мавҷуда бо тасмимҳои нав – ин раванд, ки аз рӯи шарикии боэътимоди байниҳам босубот идома дорад, сарфи назар аз таъсири омилҳои беруна имрўз низ бо нишондиҳандаҳо баҳогузорӣ мешавад.

Дар доираи ҳамкории мутақобила, имрўз низ намояндагиҳо омодагии устувор баҳри мубодилаи таҷриба баён намуданд. Дар ҳошияи бахши Душанбе-Москва — самтҳои нави ҳамкории дуҷониба, роҳҳои густариш ва заминагузорӣ барои роҳандозии нақшаҳои нав бо дарназардошти имконоти сармоягузорӣ баррасӣ гардид.

Конфронси нуҳум оид ба ҳамкории байниминтақавии Тоҷикистон ва Русия, соҳибкорону сармоягузорони тоҷику русро дар формати нав «Рӯ ба Рӯ» ба ҳам оварда, сатҳи кунунии равобити иқтисодиву тиҷоратиро миёни пойтахтҳои ду давлати дорои муносибатҳои стратегӣ Тоҷикистону Русия низ таҳким хоҳад бахшид. Таҳкими босуботи равобит миёни шаҳрҳои Душанбе ва Москва, ки бо татбиқи барнома ва нақшаҳои иқтисодию тиҷоратӣ идома доранд, назаррас арзёбӣ мегардад, ин аст, ки ҳамкорӣ дар бахшҳои гуногуни иқтисодӣ, аз ҷумла энергетика, саноат ва нақлиёту комуникатсия аз рўи тарҳҳои судоварӣ тиҷоратӣ ба миён гузошта шуданд. Майдони ҳамкорӣ: сармоягузорӣ, рушди тиҷорату иқтисод ва самарабахшии иртибототи дуҷониба, ки дар ҳамоишҳои васеъ ва ҳам гуфтугӯи хосса дар формати В+В баррасӣ гардид, дар заминаи мулоқоти «Душанбе-Москва» дурнамо ва ояндаи неки ҳамкориҳоро бо таваффуқоти навбатӣ асоснок гардонид.

АКС: Шуъбаи иттилоотии дастгоҳи Раиси шаҳри Душанбе

Март 3, 2023 13:04

Хабарҳои дигари ин бахш

«ДУШАНБЕ-ШАҲРИ ҲУШМАНД». Ҳафтаи илм, технология, инноватсия ва ихтироъкории наврасону ҷавонони шаҳри Душанбе ҷамъбаст шуд
«САЙРИ ДУШАНБЕ». Шуруъ аз 25 май дар пойтахти Тоҷикистон 4 хатсайри нави сайёҳии дохилишаҳрӣ фаъолият менамояд
Дар Душанбе Рӯзи байналмилалии ҳифзи кӯдакон бошукуҳ таҷлил мегардад
Рустами Эмомалӣ: «Ҷавонони далеру ғаюри мо дар ҳар лаҳза баҳри дифои марзу бум ва ҳифзи истиқлолияти мамлакат омода мебошанд»
Дар Душанбе бо мақсади рушди сайёҳӣ, ҳунарҳои мардумӣ ва тақвияти корҳои ободонӣ ҷаласа доир шуд
«САЙРИ ДУШАНБЕ». Дар пойтахти Тоҷикистон 4 хатсайри нави сайёҳии дохилишаҳрӣ ифтитоҳ мегардад
Ҳангоми истифодаи хабару маводи сомона истинод ба www.khovar.tj ҳатмӣ аст!
«ДУШАНБЕ — ШАҲРИ ҲУШМАНД». «Ҳафтаи илм, технология, инноватсия ва ихтироъкории наврасону ҷавонон оғоз гардид
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Озмуни «Беҳтарин акси шаҳри Душанбе» оғоз шуд
«БЕҲТАРИН РОЛИКИ САЙЁҲИИ ШАҲРИ ДУШАНБЕ». Бо мақсади тарғибу ташвиқи имконоти сайёҳии пойтахт озмун оғоз ёфт
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ бо Директори идории Хазинаи Байналмилалии Асъор Кристалина Георгиева мулоқот намуданд