«ҲИФЗИ МЕРОСИ ТАЪРИХӢ-ВАЗИФАИ ҲАР ЯКИ МОСТ!». Таҳти чунин унвон озмуни ҷумҳуриявӣ доир мешавад
ДУШАНБЕ, 29.03.2023 /АМИТ «Ховар»/. Вазорати фарҳанги Ҷумҳурии Тоҷикистон Озмуни ҷумҳуриявии беҳтарин мақоларо дар мавзӯи «Ҳифзи мероси таърихӣ -вазифаи ҳар яки мост!» эълон намудааст, ки дар он шаҳрвандони аз 18-сола боло новобаста аз касбу кор ва машғулият метавонанд иштирок намоянд. Дар ин хусус ба АМИТ «Ховар» дар Вазорати мазкур иттилоъ доданд.
Озмун ба Рӯзи байналмилалии ҳифзи ёдгориҳои таърихию фарҳангӣ- 18 апрел бахшида мешавад.
Озмуни ҷумҳуриявии «Ҳифзи мероси таърихӣ — вазифаи ҳар яки мост!» бо мақсади иҷрои дастуру супоришҳо ва ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти ҳифзи арзишҳои таърихӣ ва пос доштани фарҳанги тоҷикӣ баргузор карда мешавад.
Шартҳои озмун чунин аст: ҳар иштирокчии озмун ҳангоми пешниҳод намудани мақола акси рангаи андозааш 3х4-ро замима намояд, ҳаҷми мақола бояд на камтар аз 3 саҳифаи чопии бо андозаи А4 (ҳуруфи Times New Roman Tj 14 бо истифодаи алифбои тоҷикӣ)-ро ташкил намояд, мақолаҳо метавонанд оид ба ягон ёдгории таърихӣ, мероси фарҳангӣ ва ё дар бораи арзишҳои таърихию фарҳангӣ ва ҳифзу муаррифии он бошанд. Инчунин дар мақолаҳои пешниҳодгардида андешаҳои олимони ҷаҳон дар бораи таъриху тамаддуни миллати тоҷик ва иншооти таърихии он ба инобат гирифта мешавад.
Мақолаҳои ба озмун пешниҳодшуда баъди анҷоми чорабиниҳо таҳрир гардида, бо акси муаллифонашон дар шакли китоб омода ва чоп мегарданд. Қабули мавод то 10 апрели соли равон идома меёбад.
Ғолибон бо Сипосномаи Вазорати фарҳанги Ҷумҳурии Тоҷикистон ва мукофоти пулию молӣ қадрдонӣ карда мешаванд.
АКС: АМИТ «Ховар»
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
