Ҷоми Formula55 оид ба волейбол соҳиби худро пайдо намуд

ДУШАНБЕ, 06.03.2023 /АМИТ «Ховар»/. Аз 25 феврал то 3 март дар шаҳри Душанбе нахустин ширкати букмекерии «Formula55» мусобиқаи навбатии «Formula55 CUP»-ро оид ба волейбол баргузор намуд. Мусобиқаи кушоди ҷумҳуриявӣ оид ба волейбол дар байни калонсолон доир шуд. Соли дуюм аст, ки ширкат аз рӯи намуди волейбол чунин мусобиқа баргузор менамояд.

Мусобиқа дар мактаби варзишии №5-и шаҳри Душанбе доир шуда, беҳтарин дастаҳои волейболи мардона ва занонаро ба ҳам овард.

Аз рӯзҳои аввали мусобиқа дастаҳо ба нишон додани маҳорати касбии худ талош карданд, то зинаҳои ифтихориро ба даст биёранд.

⠀Бозиҳо бо иштироки мухлисони бешумор баргузор шуда, дастгирии онҳо ба бозингарон илҳом мебахшид.

⠀Баъд аз баргузор гардидани 64 вохӯрӣ беҳтарин дастаҳои волейболи мардона ва занона муайян гардид. Ҷойи 3-юм насиби командаи Вазорати корҳои дохилии Тоҷикистон шуда, ҷойи 2-юмро МДММВЗО√-5 (2) ишғол кард. Ҷойи 1-ум насиби дастаи МДММВЗО√-5 (1) гардид.

Байни дастаҳои мардона: ҷойи 3-юм насиби дастаи Донишгоҳи техникии Тоҷикистон ба номи Осимӣ, ҷойи 2-юм насиби дастаи МДММВЗО√-5 ва ҷойи 1-ум насиби тими волейболи Донишгоҳи славянии Тоҷикистону Русия гардид.

Дар вазъияти тантавӣ ғолибон бо медал, ифтихорнома, туҳфаҳои хотиравӣ, мукофоти пулӣ ва Ҷоми Formula55 сарфароз гардонида шуданд.

Барои иштироки фаъолона ба дастаи шаҳри Ваҳдат низ сипоснома тақдим шуд.

Тавре мухлисон ва иштирокчиён иброз доштанд, мусобиқа дар сатҳи баланд баргузор гардид. Бахусус бозии финалӣ бисёр шавқовар гузашт.

⠀Ёдовар мешавем, ки Formula55 лоиҳаи Formula55 CUP-ро аз соли 2022 инҷониб роҳандозӣ менамояд. Он ба дастгирии федератсияҳои варзишии Тоҷикистон ва рушди намудҳои гуногуни варзиш дар мамлакат равона шудааст.

АКС: Formula55