«Пиряхҳои Тоҷикистон – манбаи обҳои зулоли Осиёи Марказӣ». Таҳти чунин унвон дар Донишгоҳи миллии Тоҷикистон ҳамоиш доир шуд
ДУШАНБЕ, 21.03.2023 /АМИТ «Ховар»/. «Пиряхҳои Тоҷикистон – манбаи обҳои зулоли Осиёи Марказӣ»- таҳти чунин унвон дар Донишгоҳи миллии Тоҷикистон бо иштироки устодону донишҷӯёни факултетҳои биология, журналистика ва иқтисодиёт ҳамоиш доир шуд. Дар ин хусус ба АМИТ «Ховар» дар Кумитаи ҳифзи муҳити зисти нази Ҳукумати ҷумҳурӣ иттилоъ доданд.
Ҳамоиш дар доираи эълон гардидани соли 2025 Соли байналмилалии ҳифзи пиряхҳо бо мақсади иҷрои нуктаҳои дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» баёнгардида марбут ба амалигардонии принсипҳои «иқтисоди сабз», ташвиқу тарғиби ташаббуси панҷуми Тоҷикистон ва Рӯзи байналмилалии ҳифзи захираҳои обӣ доир шуд.
Ҳамоиш бо ташаббуси Маркази Орхуси Кумитаи ҳифзи муҳити зисти нази Ҳукумати ҷумҳурӣ ва Муассисаи давлатии «Ҳудудҳои табиии махсус муҳофизатшаванда» гузаронида шуд.
Иштирокдорони ҳамоиш доир ба ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон оид ба эълон гардидани соли 2025 Соли байналмилалии пиряхҳо, ки моҳи декабри соли 2022 бо
Қатъномаи Созмони Милали Муттаҳид қабул гардид, манбаъҳои обии Тоҷикистон ва истифодаи самараноки он табодули назар намуданд. Таъкид шуд, ки Ҷумҳурии Тоҷикистон дар минтақаи Осиёи Марказӣ аз лиҳози захираҳои обӣ бой буда, 60 фисади обҳои минтақа дар ҳудуди Тоҷикистон аз пиряҳои кӯҳӣ ташаккул меёбанд.
Инчунин иштирокдорони ҳамоиш дар мавзуи «Парки миллии Тоҷикистон – макони пиряхҳои бузург ва обҳои зулоли минтақаи Осиёи Марказӣ» маъруза намуданд.
Дар доираи ҳамоиш аз ҷониби кормандони Муассисаи давлатии «Ҳудудҳои табиии махсус муҳофизатшаванда» намоиши суратҳои пиряхҳое, ки дар қаламрави Парки миллӣ ва дигар ҳудудҳои махсус муҳофизатшаванда ҷойгиранд, ташкил карда шуд. Инчунин иштирокдорони ҳамоиш аз Осорхонаи Пешвои миллат, ки дар Донишгоҳи миллии Тоҷикистон воқеъ аст, боздид намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
