РӮЗИ ДАРҲОИ КУШОД. Беш аз 2000 хатмкунандаи муассисаҳои пойтахт аз Донишгоҳи давлатии омӯзгории Тоҷикистон дидан намуд

Март 15, 2023 13:10

ДУШАНБЕ, 15.03.2023. /АМИТ «Ховар»/. Дар Донишгоҳи давлатии омӯзгории Тоҷикистон ба номи Садриддин Айнӣ Рӯзи дарҳои кушод баргузор гардид, ки дар он зиёда аз 2000 хатмкунандаи муассисаҳои таҳсилоти миёнаи умумӣ ва литсею гимназияҳои ҳудуди шаҳри Душанбе иштирок намуд, хабар доданд ба АМИТ «Ховар» дар донишгоҳи мазкур.

Хатмкунандагон дар қисмати аввал аз дастовардҳои назарраси 14 факултете, ки дар саҳни бинои асосӣ ба  намоиш гузошта шуда буд, дидан намуда, бо дастовардҳо шинос гардида, инчунин роҷеъ ба  шароиту имконоти таҳсил дар донишгоҳ маълумоти зурурӣ гирифтанд.

Баъд аз қисмати муаррифии дастовардҳо хатмкунандагон, ки довталабони асосӣ ба курсии донишҷӯӣ маҳсуб мешаванд, аз биноҳо ва синфхонаҳои факултетҳо, ихтисосҳои амалкунанда, синфхонаҳои лексионӣ, синфхонаҳои лингофонӣ, компютерӣ, толори варзишии замонавӣ, маркази таълимии забономӯзӣ, китобхонаи анъанавӣ-электронӣ, озмоишгоҳҳои биологиву химиявӣ дидан намуданд.

Ҳамзамон ба довталабон иттилоъ дода шуд, ки мутахассисон ва хатмкардагони Донишгоҳи давлатии омӯзгории Тоҷикистон ба номи Садриддин Айнӣ дар вазифаҳои мухталифи давлатӣ, аз ҷумла дар соҳаҳои маориф, бонкдорӣ, муҳандисӣ, ҳуқуқшиносӣ, тиббӣ, Кумитаи телевизион ва радиои нази Ҳукумати Ҷумҳурии Тоҷикистон ва Дастгоҳи иҷроияи Президенти Ҷумҳурии Тоҷикистон сарбаландона хидмат намуда истодаанд.

Рӯзи дарҳои кушод имконият фароҳам овард, то хатмкунандагони мактабҳои миёна бо усули таълим ва шароиту имконияти таҳсил дар ин махзани илм аз наздик шинос шаванд.

Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Маҷлиси васеи Ҳукумати Ҷумҳурии Тоҷикистон, ки 24 январи соли равон баргузор гардид, ниҳодҳои дахлдори мамлакатро вазифадор намуданд, ки барои ҷалби довталабон ба зинаҳои омӯзгорӣ кор баранд.

Сарвари давлат ба Вазорати маориф ва илм супориш доданд, ки дар ҳамкорӣ бо мақомоти дахлдор вобаста ба масъалаҳои дар сатҳи мутобиқ ба талаботи муосир тайёр намудани омӯзгорон ва ба ин восита пурра бо кадрҳои соҳибихтисос таъмин намудани муассисаҳои таълимӣ, баланд бардоштани мақоми омӯзгор тавассути пешниҳоди имтиёзҳо чораҷӯӣ намоянд. «Ҳамзамон бо ин, бо назардошти вазъи қабули довталабон дар муассисаҳои таҳсилоти ибтидоӣ ва миёнаи касбӣ вазоратҳои маориф ва илм, меҳнат, муҳоҷират ва шуғли аҳолӣ, Маркази миллии тестӣ ва дигар сохтору мақомоти марбута вазифадор шуданд, ки корро вобаста ба тарғибу ташвиқи ихтисосҳои ин зинаҳои таҳсилоти касбӣ ва бо ин роҳ ҷалб кардани довталабон ба самтҳои омӯзгорӣ ва техникӣ ҷоннок намоянд», -иброз доштанд Пешвои миллат.

АКС: Донишгоҳи давлатии омӯзгории Тоҷикистон ба номи Садриддин Айнӣ

Март 15, 2023 13:10

Хабарҳои дигари ин бахш

Намояндаи Тоҷикистон дар Форуми академияҳои идоракунии давлатии мамлакатҳои аъзои ИДМ иштирок намуд
Даври ҷумҳуриявии олимпиадаҳои фаннӣ барои синфҳои 11-и муассисаҳои таълимии ҷумҳурӣ оғоз ёфт
Ҳамкории Тоҷикистон ва Эрон дар самти илму маориф тақвият меёбад
Ҷашни Наврӯзи хуҷастапайро аҳли илму маориф ботантана ҷашн гирифтанд
Дар шаҳри Турсунзода кӯдакистони замонавӣ ба истифода дода шуд
Дар Донишгоҳи давлатии Хуҷанд озмуни «Шоҳномахонӣ» баргузор шуд
Дар шаҳри Истаравшан дуюмин ҳамоиши гирандагони стипендияи президентӣ доир шуд
«НАВРӮЗ — МУЖДАИ БАҲОРУ САРСАБЗИИ ТАБИАТ». Дар Донишгоҳи давлатии Кӯлоб ҷашни аҷдодиро таҷлил намуданд
НАВРӮЗ-ЭҲЁГАРИ АНЪАНАҲОИ МИЛЛӢ ВА ТАРҒИБГАРИ ҲУНАРҲОИ МАРДУМӢ. Таҳти ин унвон дар Донишгоҳи давлатии Бохтар ҳамоиш баргузор шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба ҳифзи Ватан ва мубориза бо падидаҳои номатлуб мулоқот доир шуд
Дар Филиали Донишгоҳи давлатии Москва дар шаҳри Душанбе конференсияи байналмилалии илмӣ-амалии «Геология дар макон ва замон» доир шуд
Устодону донишҷӯёни Донишгоҳи миллии Тоҷикистон Наврӯзро бо барномаи рангину намоиши анъанаҳои миллӣ таҷлил намуданд