Сарвазири Тоҷикистон Қоҳир Расулзода дар шаҳри Кӯлоб ва ноҳияи Восеъ бо ҳолати пойгоҳҳои обкашӣ ва ҷараёни корҳои соҳилмустаҳкамкунӣ шинос гардид
ДУШАНБЕ, 11.03.2023 /АМИТ «Ховар»/. Дар доираи сафари корӣ ба вилояти Хатлон Сарвазири Ҷумҳурии Тоҷикистон Қоҳир Расулзода дар шаҳри Кӯлоб ва ноҳияи Восеъ бо ҳолати пойгоҳҳои обкашӣ, ҷараёни корҳои соҳилмустаҳкамкунӣ ва бунёди иншооти нав бахшида ба ҷашни 35-солагии Истиқлоли давлатии Ҷумҳурии Тоҷикистон шинос шуд, хабар медиҳад АМИТ «Ховар».
Зимни сафари корӣ дар шаҳри Кӯлоб ба Сарвазири мамлакат иттилоъ дода шуд, ки корҳои соҳилмустаҳкамкунӣ ва тоза намудани селпартовҳо дар сойи Даҳана ва Зиракӣ иҷро гардида, дар минтақаҳои хавфнок тоза кардани маҷрои дарё, селпартоҳо ва хобонидани тахтасангҳои оҳану бетонӣ ба анҷом расонида шудааст.
Таъкид гардид, ки дар сойи Тебалай аз ҷониби Маркази татбиқи Лоиҳаи роҳи мошингарди Душанбе-Чаноқ бо дарозии 1220 метр корҳои соҳилмустаҳкамкунӣ анҷом дода шудаанд.
Дар заминаи дастгирии Ҳукумати Ҷумҳурии Тоҷикистон дастрас шудани масолеҳи сохтмонӣ ба анҷоми корҳои тибқи нақша пешбинишуда мусоидат намуд.
Тазаккур дода шуд, ки ҳоло ҳам мавзеъҳое ҳастанд, ки гузаронидани корҳои соҳилмустаҳкамкунӣ дар онҳо зарур мебошад. Бо назардошти ин аз ҷониби Ҳукумати мамлакат масолеҳи сохтмонӣ дастрас карда шуда, корҳои соҳилмустаҳкамкунӣ тибқи нақша пеш бурда мешаванд.
Сарвазири мамлакат бо ёдоварӣ аз боронҳои фасли баҳор аз Мақомоти иҷроияи ҳокимияти давлатии шаҳри Кулоб ва сохторҳои марбута иҷрои босифату саривақтии супоришҳои Сарвари давлатро дар ин самт талаб намуд.
Дар ноҳияи Восеъ Қоҳир Расулзода бо ҷараёни корҳои соҳилмустаҳкамкунӣ дар соҳили дарёи Ёхсу шинос шуд.
Иттилоъ дода шуд, ки корҳои соҳилмустаҳкамкунӣ дар худуди деҳоти Худоёр Раҷабов ба масофаи 750 метр ба анҷом расонида шудаанд. Дар ин ҷо корҳои соҳилмустаҳкамкунӣ бо дарозии 250 метр ҷараён доранд. Аз ҳудуди ноҳияи Восеъ ду дарё — Ёхсу ва Сурхоб мегузарад.
Сарвазири мамлакат Мақомоти иҷроияи ҳокимияти давлатии ноҳияи Восеъ ва сохторҳои марбути соҳаро барои беҳтар намудани фаъолият дар ин самт дар моҳҳои апрел ва май вазифадор намуд.
АКС: АМИТ «Ховар»
Дар шаҳри Москва ҷаласаи 109-уми Шурои иқтисодии ИДМ баргузор гардид
Президенти Ҷумҳурии Тоҷикистон Эмомалӣ Раҳмон бо рафти корҳои сохтмонӣ дар бинои Театри миллӣ шинос шуданд
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
Президенти Ҷумҳурии Тоҷикистон Эмомалӣ Раҳмон доир ба рафти омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон машварати корӣ доир намуданд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
