Дар Душанбе ҷаласаи 48-уми Шурои маъмурии Ташкилоти патентии Авруосиё доир шуд
ДУШАНБЕ, 26.10.2026 /АМИТ «Ховар»/. Дар шаҳри Душанбе ҷаласаи 48-уми Шурои маъмурии Ташкилоти патентии Авруосиё баргузор гардид. Дар ин хусус ба АМИТ «Ховар» аз Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон хабар доданд.
Дар ҷаласа намояндагони давлатҳои аъзои Конвенсияи патентии Авруосиё, аз ҷумла ҷумҳуриҳои Озарбойҷон, Арманистон, Беларус, Қазоқистон, Қирғизистон, Тоҷикистон, Туркманистон, Федератсияи Русия, инчунин Идораи патентии Авруосиёии Ташкилоти патентии Авруосиё ва Созмони умумиҷаҳонии моликияти зеҳнӣ (СУМЗ) иштирок намуданд.
Зимни ҷаласа масъалаҳои муҳими фаъолияти Ташкилоти патентии Авруосиё (ТПАО) мавриди баррасӣ қарор гирифтанд. Аз ҷумла, ҳисоботи солонаи ташкилот барои соли 2025 ва лоиҳаи буҷети он барои соли 2027 муҳокима гардида, масъалаи пайвастани ин ташкилот ба Шартномаи Риёз оид ба қонунгузорӣ дар соҳаи намунаҳои саноатӣ аз 22 ноябри соли 2024 баррасӣ шуд.
Ҳамчунин масъалаи тақдими медали тиллои ба номи В.И. Блинников «Барои саҳмгузорӣ дар фаъолияти ихтироъкорӣ ва патентӣ», мақоми Ташкилоти патентии Авруосиё ҳамчун мақоми байналмилалии ҷустуҷӯӣ ва экспертизаи пешакии байналмилалӣ дар доираи Шартнома оид ба ҳамкории патентӣ ва интихоби раиси Шурои маъмурии ташкилот ва муовинони ӯ мавриди муҳокима қарор гирифтанд.
Дар фарҷоми ҷаласа Ҷумҳурии Арманистон раиси нави Шурои маъмурии Ташкилоти патентии Авруосиё интихоб гардид. Ҳамчунин қарор қабул карда шуд, ки ҷаласаи навбатии Шурои маъмурии ташкилот соли 2027 дар шаҳри Москва баргузор шавад.
АКС: Муассисаи давлатии «Маркази миллии патенту иттилоот»–и Вазорати рушди иқтисод ва савдои Ҷумҳурии Тоҷикистон
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
