«ТОҶИ САРИ ҶУМЛА ҲУНАРҲОСТ ИЛМ». Хонандагони шаҳри Душанбе дар ин озмун маҳорати ихтироъкории худро месанҷанд
ДУШАНБЕ, 15.03.2023. /АМИТ «Ховар»/. Тибқи қарори Раиси шаҳри Душанбе муҳтарам Рустами Эмомалӣ байни хонандагони синфҳои 9-11-и муассисаҳои таҳсилоти миёнаи умумии пойтахт Озмуни шаҳрии «Тоҷи сари ҷумла ҳунарҳост илм» ҷараён дорад. Иштирокчиёни озмун дар ду шарт (назариявӣ ва амалӣ) аз рўйи номинатсияҳои барномасозӣ, меъморӣ, моделсозӣ, радиоэлектроника, робототехника, сайёҳӣ – кишваршиносӣ ва табиатшиносӣ маҳорат нишон медиҳанд.
Тавре дар суҳбат бо мухбири АМИТ «Ховар» сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе Асомиддин Бобозода иброз дошт, озмуни мазкур ҷиҳати амалисозии тадбирҳо вобаста ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ташкил ва гузаронида мешавад.
Озмун аз се давр иборат буда, аз моҳи январ то моҳи апрел ба таври зайл гузаронида мешавад:
даври якум – нимаи аввали моҳи марти соли 2023 дар муассисаҳои таҳсилоти миёнаи умумӣ;
даври дуюм – нимаи дуюми моҳи марти соли 2023 дар сатҳи ноҳияҳо бо иштироки ғолибони даври якум;
даври сеюм (шаҳрӣ — асосӣ) – ҳафтаи якуми моҳи апрели соли 2023 бо иштироки ғолибони даври дуюм.
Ҳадафи он рушди тафаккури техникӣ, тарғиби ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкорӣ ва навоварӣ, пайвастани илм бо истеҳсолот, ҷалби хонандагони муассисаҳои таҳсилоти миёнаи умумӣ ба омўзиши амиқи фанҳои риёзӣ, дақиқ ва табиӣ, дарёфт ва муаррифии истеъдодҳои нав дар ин самтҳо ва дар ин замина мусоидат намудан ба наврасон дар интихоби касб аз рӯйи ихтисос ва касбҳои ба фанҳои мазкур алоқаманд мебошад.
Дар ҳар давр вобаста ба ҳар номинатсия то 3 ғолиб (ҷои якум – 1 нафар, ҷойи дуюм – 1 нафар, ҷойи сеюм – 1 нафар) муайян карда шуда, ба онҳо мукофотпулӣ бо маблағи аз 3000 сомонӣ то 15 ҳазор сомонӣ дода мешавад.
Ба омӯзгорони ғолибони озмунҳо дар сурати мавҷуд будани шартномаи байни роҳбари муассисаи таълимӣ дар бораи омода намудани довталаб мукофотпулӣ дода мешавад.
Инчунин волидайни ғолибони ҷойҳои якум, дуюм ва сеюми озмун бо Ифтихорномаи Сарраёсати маорифи шаҳри Душанбе ҳавасманд карда мешаванд.
Маросими тантанавии супоридани ҷоизаҳо ба ғолибони озмун дар Рўзи пойтахт доир мешавад.
Зарангези ЛАТИФ,
АМИТ «Ховар»
АКС: АМИТ «Ховар»
Байни Донишгоҳи байналмилалии сайёҳӣ ва соҳибкории Тоҷикистон ва Академияи сайёҳии Донишгоҳи Бредаи Нидерланд Созишномаи ҳамкорӣ ба имзо расид
Дар Душанбе доир ба мавзуи таъсири муҳити оилаи солим ба тарбияи кӯдак конференсияи ҷумҳуриявӣ баргузор гардид
Гимназияи №74-и шаҳри Душанбе ғолиби озмуни «Нозирони навраси ҳаракат дар роҳ» гардид
Пагоҳ дар тамоми муассисаҳои таҳсилоти умумии Тоҷикистон машғулияти таълимӣ ба анҷом мерасад
Бори аввал дар Тоҷикистон Форуми ҷумҳуриявии «Омӯзгори навовар» баргузор гардид
Дар Донишгоҳи давлатии Кӯлоб оид ба ҷаҳонбинии нави иттилоотӣ конфронси ҷумҳуриявӣ баргузор шуд
КВОТАИ ПРЕЗИДЕНТИ ҶУМҲУРИИ ТОҶИКИСТОН. Тибқи он даври сеюми қабули довталабон ба муассисаҳои таҳсилоти олии касбии ҷумҳурӣ оғоз гардид
«ТОҶИКИСТОН-ВАТАНИ АЗИЗИ МАН». 62 иштирокчии даври шаҳрии озмун дар Норак ба даври вилоятӣ роҳхат гирифт
Дар шаҳри Турсунзода бинои иловагии Муассисаи таҳсилоти миёнаи умумии рақами 17 мавриди истифода қарор дода шуд
Дар Донишгоҳи давлатии ҳуқуқ, бизнес ва сиёсати Тоҷикистон бахшида ба Даҳсолаи амал «Об барои рушди устувор, солҳои 2018 – 2028» конфронс доир гардид
«ПУЛИ ЗАБОНИ ЧИНӢ». Дар Донишгоҳи миллии Тоҷикистон ғолибони ин озмуни ҷаҳонӣ байни донишҷӯёни тоҷик муайян шуданд
ФАРЗАНДОНРО БЕНАЗОРАТ НАГУЗОРЕД! Дар шаҳри Хоруғ бо падару модарони хонандагон вохӯрӣ доир шуд
