««ТОҶИКОН»-ОИНАИ ТАЪРИХИ МИЛЛАТ». Ғолибони даври аввали озмун дар Мактаби президентии шаҳри Хоруғ муайян гардиданд
ХОРУҒ, 01.03.2023 /АМИТ «Ховар»/. Марҳилаи аввали Озмуни ҷумҳуриявии ««Тоҷикон – оинаи таърихи миллат», ки ба ифтихори 115-солагии академик Бобоҷон Ғафуров ва бо мақсади арҷгузорӣ ба таърихи пурифтихори миллати тоҷик гузаронида мешавад, дар шаҳру ноҳияҳои Вилояти Мухтори Кӯҳистони Бадахшон бо маром идома дорад. Дар даври аввали озмун, ки дар Муассисаи давлатии «Мактаби президентӣ барои хонандагони болаёқати шаҳри Хоруғ» доир карда шуд, 26 довталаб иштирок намуд, хабар медиҳад мухбири минтақавии АМИТ «Ховар» Файз Мирасан.
Муовини директори Мактаби президентӣ ва яке аз ҳакамони ин озмун Аноятшо Некқадамов гуфт, ки «омӯзиши таърих дар раванди мураккаби ҷаҳонишавӣ муҳимтарин омил дар самти худшиносиву худогоҳии миллӣ ба шумор меравад. Аз ин рӯ мавзуи шинохти таърихи қадиму муосири халқи тоҷик дар меҳвари суханрониҳои Президенти Ҷумҳурии Тоҷикистон муҳтарам Эмомалӣ Раҳмон қарор дошта, ҷиҳати ҷалби таваҷҷуҳи тамоми табақаҳои ҷомеа ба омӯзиши асарҳои таърихӣ чунин озмунҳо ва тадбирҳои дигари муассир ба роҳ монда мешаванд. Баргузории озмуни мазкур бахусус барои ташаккули худшиносию ҳувияти миллии наврасону ҷавонон ва таҳкими ҳофизаи таърихии онҳо нақши муассир мегузорад».
Ҳайати ҳакамон мутобиқи низомномаи Озмуни ҷумҳуриявии ««Тоҷикон-оинаи таърихи миллат» ҳангоми баҳогузорӣ бештар ба савияи дониши таърихӣ ва баёни мантиқии ҳодисаву рӯйдодҳои таърихӣ бартарӣ доданд. Довталабон низ кӯшиш менамуданд, ки мавзуъҳои мавриди баҳсро ба таври дақиқ ва бо далелҳо шарҳу тавзеҳ диҳанд.
Узви ҳайати ҳакамон Айниддин Сомиддинзода аз дониш ва ҷаҳонбинии довталабон изҳори қаноатмандӣ намуда, баён дошт, ки «китоби «Тоҷикон» яке аз асарҳои пурарзишу мондагор ба шумор рафта, дар он тамоми паҳлуҳои таърихи пурғановати халқи тоҷик ва муборизаву талошҳояш барои пешрафти тамаддуни ҷаҳонӣ аз аҳди бостон то замони мо дар асоси пояҳои консепсияи илмӣ таҳлилу таҳқиқ гардида, зиндагиномаи халқи тоҷикро ба ҷаҳониён муаррифӣ намудааст».
Даври аввали озмун дар ин муассисаи таълимӣ ба поён расид. Аз 26 довталаб танҳо 5 нафар ба даври дуюм роҳхат гирифт.
Ҳайати ҳакамон ба беҳтарин донандагони таъриху тамаддуни халқи тоҷик ифтихорнома тақдим намуда, аз онҳо даъват карданд, ки ба озмуни шаҳрӣ, ки даҳаи аввали моҳи апрел баргузор мегардад, бо омодагии комилтар ҳозир шаванд.
АКС:АМИТ «Ховар»
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
Даври сеюми Озмуни ҷумҳуриявии «Тоҷикистон — Ватани азизи ман» моҳи октябр баргузор мешавад
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
