5 ҶОЙИ ИФТИХОРӢ. Намояндагони Донишгоҳи миллии Тоҷикистон дар Форуми XIII иқтисодии ҷавонони Авруосиё ғолиб шуданд
ДУШАНБЕ, 28.04.2023. /АМИТ «Ховар»/. Намояндагони Донишгоҳи миллии Тоҷикистон дар Форуми XIII иқтисодии ҷавонони Авруосиё, ки аз 25 то 27 апрел таҳти унвони «Ҷаҳони бисёрқутба дар меҳвари воқеияти нав» дар шаҳри Екатеринбурги Федератсияи Русия баргузор гардид, сазовори 5 ҷойи ифтихорӣ шуданд, хабар доданд ба АМИТ «Ховар» дар донишгоҳи мазкур.
Аз ҷумла, намояндагони донишгоҳ дар бахшҳои алоҳидаи он сазовори дастовардҳои назаррас гардиданд. Дар озмуни «Роҳҳои ҳифзи ҳуқуқу озодиҳои инсон ва шаҳрванд» устоди факултети ҳуқуқшиносии донишгоҳ Умед Муродзода сазвори ҷойи якум, дар озмуни «Амнияти иқтисодӣ аз нигоҳи ҷавонон: таҷрибаи ҷаҳонӣ» ассистенти кафедраи ҳуқуқи соҳибкорӣ ва тиҷорати факултети ҳуқуқшиносӣ Шоҳкарим Шабонов –– ҷои якум, дар самти ҳуқуқ ва тиҷорат: эволютсия ва инноватсия донишҷӯи курси 3-юми факултети ҳуқуқшиносӣ Муҳаммадҷон Иброҳимов сазвори ҷои якум гардиданд. Инчунин дар озмуни «Мушкилот дар услуби Тик-ток» донишҷӯи курси 2-юми факултети ҳуқуқшиносӣ Азиза Мамаҷонова ҷои якум, дар озмуни «Шаҳр: ояндаро кушоед» донишҷӯи курси 2-юми факултети ҳуқуқшиносӣ Снежелана Окилова низ сазовори ҷойи аввал гардиданд.
Дар Форум 11 ҳазор намояндаи 44 давлат, аз ҷумла Ҳиндустон, Арабистони Саудӣ, Перу, Эквадор, Аргентина, Фаронса, Олмон, Венгрия, Чехия, Беларус низ ширкат дошт.
Дар доираи форум баргузории чорабиниҳо дар 7 муассисаи таҳсилоти олии касбии мамлакатҳои Иттиҳоди давлатҳои мустақил, аз ҷумла дар Ҷумҳурии Тоҷикистон ба нақша гирифта шуд.
Ҳамзамон имрӯз пахши маҷозии маросими мукофотсупории форум баргузор гардида, дастаи донишҷӯёни донишгоҳ аз ҷониби ректори донишгоҳ, профессор Қобилҷон Хушвахтзода қадрдонӣ карда шуд.
АКС: Донишгоҳи миллии Тоҷикистон
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
