Ҳайати Тоҷикистон дар ҷаласаи Шӯрои Иттиҳоди байнибонкии Созмони ҳамкории Шанхай иштирок намуд
ДУШАНБЕ, 28.04.2023 /АМИТ «Ховар»/. Ҳайати Ҷумҳурии Тоҷикистон таҳти роҳбарии раиси Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» Сироҷиддин Икромӣ дар ҷаласаи Шӯрои Иттиҳоди байнибонкии Созмони ҳамкории Шанхай (ИББ СҲШ), ки дар иёлати Гоаи Ҳиндустон баргузор гардид, иштирок намуд. Дар ин хусус АМИТ «Ховар» бо истинод ба Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» иттилоъ медиҳад.
Ҷаласа таҳти раёсати Корпоратсияи инфрасохториву молиявии Ҳиндустон ҳамчун раисикунанда ва бо иштироки роҳбарони бонкҳои аъзо доир гардид. Дар он беш аз 5 масъалаи муҳим дар самтҳои бонкдорӣ, сармоягузории мустақим байни бонкҳои аъзои Иттиҳод, табодули таҷриба ва маблағгузории савдо ҷиҳати рушди гардиши молу маҳсулот байни давлатҳои аъзои Созмони ҳамкории Шанхай мавриди баррасии роҳбарони бонкҳо қарор дода шуд.
Дар интиҳои ҷаласаи Шӯрои Иттиҳоди байнибонкии Созмони ҳамкории Шанхай аз ҷониби раисони бонкҳои аъзо протокол ба имзо расид, ки имкон медиҳад фаъолияти молиявии бонкҳои аъзои Иттиҳод боз ҳам ҷоннок карда шуда, ҳамкории дуҷониба дар самтҳои гуногун густариш ёбад.
Ҳамзамон интизор меравад, ки ҳайати расмии «Амонатбонк» дар доираи ҷаласаи Иттиҳоди байнибонкӣ бо як зумра роҳбарони бонкҳои аъзои Иттиҳоди байнибонкии Созмони ҳамкории Шанхай мулоқоту суҳбатҳои судманди дуҷониба анҷом диҳад.
АКС: «Амонатбонк»
Байни Палатаи савдо ва саноати Тоҷикистон ва Корпоратсияи саҳомии молиявии «Система»-и Русия Ёддошти тафоҳум ба имзо расид
Дар Бонки миллии Тоҷикистон бо иштироки коршиносони байналмилалии IFSB ҳамоиш баргузор гардид
Байни Палатаи ҳисоби Тоҷикистон ва Идораи аудити давлатии Гурҷистон Ёддошти тафоҳум оид ба ҳамкорӣ ба имзо расид
Муовини Сарвазири Тоҷикистон бо рафти кишти такрорӣ дар ноҳияи Зафаробод шинос шуд
Дар Душанбе вохӯрии якуми Шурои кории Тоҷикистону Қирғизистон баргузор гардид
Татбиқи «Стратегияи рушди соҳаи алоқаи Ҷумҳурии Тоҷикистон барои давраи то соли 2040» баррасӣ гардид
ҚУРБИ АСЪОР: 1 рубли русӣ аз 0.1210 то 0.1268 сомонӣ муқаррар шудааст
Масъалаи таҳвили нафт ва маҳсулоти нафтӣ аз Эрон ба Тоҷикистон баррасӣ шуд
Сарвазири Гурҷистон аз Намоишгоҳи молу маҳсулоти кишоварзӣ ва саноати хӯроквории Тоҷикистон боздид намуд
Дар Бишкек масъалаи татбиқи лоиҳаи Хати лӯлаи гази транзитии «Осиёи Марказӣ – Чин» баррасӣ шуд
Байни Тоҷикистон ва Гурҷистон Ёддошти тафоҳум оид ба ҳамкорӣ дар соҳаи кишоварзӣ ба имзо расид
Муколамаи вазирони энергетика дар қолаби «Русия + Осиёи Марказӣ» баргузор шуд
