Ҳангоми сӯхтор дар Дубай тақрибан 16 нафар ҳалок гардид
ДУШАНБЕ, 17.04.2023 /АМИТ «Ховар»/. Бар асари сӯхторе, ки рӯзи шанбе дар як бинои истиқоматии шаҳри Дубай ба амал омад, тақрибан 16 нафар ҳалок ва 9 тани дигар захмӣ шуд. Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзи якшанбе рӯзномаи «Khaleej Times» хабар додааст.
Мувофиқи навиштаи ин нашрия, рӯзи шанбе, соати 12:35 ба вақти маҳаллӣ, наҷотдиҳандагон дар бораи рух додани сӯхтор дар як бинои истиқоматӣ дар минтақаи Эр — Раас иттилоъ гирифтанд. Тибқи маълумоти пешакӣ, сабаби сӯхтор риоя нашудани талаботи бехатарӣ будааст. Тафтиши ҳолатҳои ҳодиса оғоз шуд.
Корманди яке аз мағозаҳои дар бино ҷойгиршуда ба нашрия гуфт, ки «садои баланд шунида шуд». «Чанд лаҳзаи аввал мо нафаҳмидем, ки чӣ рух дода истодааст. Аммо баъд мо дуд ва оташро аз тиреза дидем», — афзуд ӯ.
Ба гуфтаи шоҳид, чанд нафар кӯшиш кард, ки ба бино ворид шавад, то ба одамон кумак кунад, аммо аз сабаби дуд натавонистанд ва наҷотдиҳандагонро интизор шуданд.
Азиза ИКРОМ,
АМИТ «Ховар»
АКС аз манбаъҳои боз
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
