Дар Академияи идоракунии давлатӣ Маркази ҳуқуқҳои кӯдак ифтитоҳ ёфт
ДУШАНБЕ, 27.04.2023 /АМИТ «Ховар»/. 26 апрел дар Академияи идоракунии давлатии назди Президенти Ҷумҳурии Тоҷикистон Маркази ҳуқуқҳои кӯдак ифтитоҳ гардид, хабар доданд ба АМИТ «Ховар» дар Академия.
Маркази ҳуқуқҳои кӯдак бо мақсади таҳлил ва омӯзиши масъалаҳои ҳифзи ҳамаҷонибаи ҳуқуқу манфиатҳои қонунии кӯдакон, аз ҷумла кӯдакони ятиму бепарастор, кӯдаконе, ки ниёз ба ёрии давлатӣ доранд, ҳалли масъалаҳои душвори марбут ба риоя ва ҳифзи ҳуқуқу манфиатҳои кӯдак, расонидани ёрии ҳуқуқӣ, иҷтимоӣ ва моддӣ бо дастгирии Хазинаи кӯдакони Созмони Милали Муттаҳид (ЮНИСЕФ) ифтитоҳ гардид.
Дар маросим сардори Дафтари намояндагии Хазинаи кӯдакони Созмони Милали Муттаҳид, намояндаи Дастгоҳи иҷроияи Президенти Ҷумҳурии Тоҷикистон ва вазорату кумитаҳо иштирок намуданд.
Ректори Академияи идоракунии давлатӣ иброз намуд, ки «дар Тоҷикистон ҳуқуқҳои кӯдакон аз Конститутсия сарчашма гирифта, бо Қонуни Ҷумҳурии Тоҷикистон «Дар бораи ҳифзи ҳуқуқҳои кӯдак» ва дигар қонуну кодексҳои соҳавӣ ҳифз карда мешавад ва барои рушду камолоти онҳо дар шароити озоду арзанда тамоми имконият фароҳам оварда шудааст. Дар ташаккули муваффақонаи шахсияти кӯдак ҷомеа ва оила нақши муҳим мебозанд. Аз ин рӯ, кӯдак бояд дар муҳити меҳру муҳаббат, дар оила байни ашхоси наздик ва меҳрубон ба воя расад. Калонсолон бояд ба кӯдакон дар омодагӣ ба ҳаёти мустақил, аъзои комилҳуқуқи ҷомеа гардидан, ташаккули муқаррарии ҷисмонӣ ва ақлонии ӯ шароити мусоид фароҳам оваранд.
Марказ фаъолияти худро дар самтҳои густариши муносибатҳои фарҳангӣ-иҷтимоӣ дар мақомоти давлатӣ ва байналмилалӣ вобаста ба самти фаъолият дар доираи талаботи муқаррарнамудаи қонунгузорӣ, ташкил ва баргузор намудани конфренсияҳо, симпозиумҳо, машваратҳо, мизҳои мудаввар ва дигар ҳамоишҳои илмӣ ҷиҳати тақвият бахшидани соҳаҳои гуногуни илм, ба вуҷуд овардани фазои ягонаи илмӣ доир ба роҳҳои ҳалли проблемаҳои ҳифзи ҳуқуқи кӯдакон, омода кардани китобҳои дарсӣ ва дигар маводи омӯзишию иттилоотӣ барои донишҷӯён, омода намудани модулҳои таълимӣ байни кормандони соҳаи иҷтимоӣ, гузаронидани машғулияти махсуси таълимӣ барои роҳбарони соҳаи ҳифзи иҷтимоӣ, корҳои тадқиқотӣ, баргузор намудани курсҳои кӯтоҳмудат барои кормандони мақомоти ваколатдор оид ба ҳифзи ҳуқуқи кӯдак ва кормандони соҳаи ҳифзи иҷтимоии шаҳру ноҳияҳо ба роҳ мемонад.
АКС: Академияи идоракунии давлатии назди Президенти Ҷумҳурии Тоҷикистон
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
ОГОҲӢ! Аз 15 то 18 июл дар Тоҷикистон баландшавии ҳарорати ҳаво пешгӯӣ мешавад
Дар муассисаҳои таҳсилоти ибтидоӣ ва миёнаи касбӣ 25 ихтисоси нав дар соҳаи саноати металлургияи сиёҳ таъсис меёбад
