Дар баҳри Ҷопон бактерияҳои ба сармо тобоваре пайдо карданд, ки нафтро ҷаббида мегиранд

ДУШАНБЕ, 16.04.2023 /АМИТ «Ховар»/. Олимони Донишгоҳи Федералии Шарқи Дур (ДФШД) дар баҳри Ҷопон бактерияҳои ба сардӣ тобоваре пайдо намуданд, ки қобилияти ҷаббида гирифтани нафтро  доранд: дар оянда ин барои сохтани маҳсулоти биологӣ баҳри тоза кардани об аз ифлосиҳои нафтӣ кумак хоҳад кард. Тавре АМИТ «Ховар» бо истинод ба РИА «Новости» иттилоъ медиҳад,  дар ин хусус ДФШД хабар додааст.

«Дар ҷараёни таҳқиқоти васеъ олимони Институти уқёнуси ҷаҳонии ДФШД дар баҳри Ҷопон бактерияҳое пайдо карданд, ки бори аввал қобилияти вайрон кардани нафтро нишон доданд. Ғайр аз омӯзиши гуногунии намудҳои микроорганизмҳои оксидкунандаи карбогидрид, олимон тадқиқот гузарониданд, ки дар он қобилияти баланди бактерияҳои бадастомада барои вайрон кардани пайвастагиҳои гуногуни нафт дар шароити ҳарорати паст ошкор карда шуд», — омадааст дар хабари дафтари матбуот.

«Афзалияти таъмӣ»-и ғайримаъмулӣ дар 12 намуди бактерияҳо, аз ҷумла- Idiomarina maritima, Gracilibacillus massiliensis, Lechevaleria flava, Jeotgalibacillus marinus ва ғайра пайдо карда шуд. Кушодани геноми бактерияҳои ошкоршуда имкон медиҳад, ки механизмҳои кори генҳо ва ферментҳое, ки дар таҷзияи нафт дар баҳрҳои Шарқи Дур иштирок мекунанд, дақиқтар фаҳмида шавад.

Дар асоси натиҷаҳои бадастомада эҳтимол дорад, ки технологияҳои самараноки мониторинги ифлосшавии нафтии обҳои баҳрӣ ва минбаъд- технологияи тозакунии онҳо таҳия карда шавад.

 Азиза ИКРОМ,
АМИТ «Ховар»

АКС аз манбаъҳои боз