Дар Душанбе «Кушодашавии мавсими мототсиклронӣ-2023» баргузор мегардад

ДУШАНБЕ, 25.04.2023. /АМИТ «Ховар»/. 29 апрел, аз соати 09:00 то соати 10:00 дар  Муассисаи давлатии «Наврӯзгоҳ»-и шаҳри Душанбе мусобиқаи «Кушодашавии мавсими мототсиклронӣ-2023» баргузор мегардад. Дар ин хусус қарори Раиси шаҳри Душанбе муҳтарам Рустами Эмомалӣ ба тасвиб расид, хабар доданд ба АМИТ «Ховар» дар шуъбаи иттилоотии дастгоҳи Раиси шаҳри Душанбе.

Мусобиқа аз ҷониби клуби мототсиклронҳои «Ирбис МСС Тоҷикистон» бо мақсади дастгирӣ намудани ташаббуси ҷомеаи шаҳрвандӣ доир карда мешавад.

Дар ин рӯз ҳаракати қатораи иштирокчиён бо мушоияти мошинҳои роҳбонии шуъбаи Бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар шаҳри Душанбе аз назди Муассисаи давлатии «Наврӯзгоҳ» тариқи хиёбону кӯчаҳои Ҳофизи Шерозӣ ба самти кӯчаи Карамов — хиёбони Рӯдакӣ, гардиш ба тарафи рост- кӯчаҳои Теҳрон, Шероз, хиёбонҳои И.Сомонӣ, Н.Махсум бо баромад ба роҳи мошингарди самти шаҳри Ҳисор ба роҳ монда мешавад.

АКС: АМИТ «Ховар»