Дар Душанбе нуқтаҳои партовҷамъкунӣ таъмир ва навсозӣ карда мешавад
ДУШАНБЕ, 11.04.2023 /АМИТ «Ховар»/. Бо дастури Мақомоти иҷроияи ҳокимияти давлатии шаҳри Душанбе нуқтаҳои партовҷамъкунии ноҳияҳои пойтахт, аз ҷумла ноҳияи Исмоили Сомонӣ таъмир карда мешавад. Дар ин хусус АМИТ «Ховар» бо истинод ба Раёсати ҳифзи муҳити зисти шаҳри Душанбе иттилоъ медиҳад.
Мақомоти иҷроияи ҳокимияти давлатии ноҳияи Исмоили Сомонии шаҳри Душанбе тасмим гирифтааст, ки нуқтаҳои муваққатии партовҷамъкуниро давра ба давра таъмир ва навсозӣ намояд.
Мутобиқ ба маълумоти мавҷуда, дар ҳудуди шаҳраку маҳаллаҳои ноҳияи Исмоили Сомонӣ 322 нуқтаи муваққатии партовҷамъкунӣ мавҷуд аст, ки 72 адад ба шаҳракҳо, 89 адад ба маҳаллаҳо, 20 адад ба шахтаҳо ва 141 адад ба ташкилоту муассисаҳои ҳудуди ноҳия рост меояд.
Бояд тазаккур дод, ки дар доираи татбиқи дастуру супоришҳои Раиси шаҳри Душанбе корҳои ободонию созандагӣ идома дошта, партовгоҳҳо таъмир ва навсозӣ гашта, қуттиҳо рақамгузорӣ ва ба нуқтаҳои партов дарвоза насб карда шудааст. Инчунин корхонаҳои воҳиди давлатии партовкашонӣ вазифадор карда шудаанд, ки тибқи талаботи қарори марбутаи Раиси шаҳри Душанбе сари вақт партовро аз нуқтаҳои партовҷамъкунӣ бароранд.
Дар баробари ин аз шаҳрвандон тақозо карда мешавад, ки тозагии муҳити атроф, шаҳраку маҳалла, назди нуқтаҳои партовҷамъкунӣ ва биноҳои баландошёнаро таъмин карда, маърифати экологӣ ва фарҳанги шаҳрдориро риоя намоянд.
АКС: Раёсати ҳифзи муҳити зисти шаҳри Душанбе
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
