2-4 июн дар Қасри теннис ва маҷмааи варзишҳои обии пойтахт Мусобиқаи Гран Прии Душанбе-2023 доир мегардад
ДУШАНБЕ, 31.05.2023 /АМИТ «Ховар»/. 29 май таҳти раёсати муовини Раиси шаҳри Душанбе Дилбар Одилзода ҷаласаи кумитаи тадорукоти мусобиқаи бошукуҳи варзишии Гран Прии Душанбе оид ба ҷудо, ки 2-4 июни соли равон дар Қасри теннис ва маҷмааи варзишҳои обии шаҳри Душанбе баргузор мешавад, доир гардид. Дар ин хусус АМИТ «Ховар» бо истинод ба Федератсияи ҷудои Тоҷикистон хабар медиҳад.
Дар мусобиқа, ки бори аввал дар Тоҷикистон баргузор мешавад, 313 варзишгар (176 мард, 137 зан) аз 42 давлати дунё номнавис шудааст. Дастаи мунтахаби Тоҷикистон ба ҳайси мизбон дар ҳайати 34 варзишгар – 28 мард, 6 зан – дар ин мусобиқа иштирок мекунад.
Фонди ҷоизаҳои Гран Прии Душанбе 100 000 евроро ташкил дода, ғолибон дар ҳамаи 14 вазн (7 вазн байни мардҳо, 7 вазн байни духтарон) 3000 евро, барандагони медалҳои нуқра – 2000 евро ва барандагони медали биринҷӣ 1000 евро ҷоизапулӣ дарёфт мекунанд.
Гран Прии Душанбе дар доираи мусобиқоти «Сайри ҷаҳонии ҷудо»-и Федератсияи байналмилалии ҷудо баргузор шуда, варзишгарон имкони гирифтани холҳои олимпӣ доранд.
Дар ҷаласаи мазкур муовинони Раиси шаҳри Душанбе, намояндагони кумитаҳои олимпӣ, кор бо ҷавонон ва варзиш, Федератсияи ҷудо, роҳбарони сохторҳои шаҳрӣ ва дигарон иштирок доштанд.
Дар ҷаласа муҳимтарин масъалаҳои омодагӣ ва баргузор кардани аввалин мусобиқаи сатҳи баланди байналмилалӣ оид ба ҷудо дар шаҳри Душанбе баррасӣ шуда, масълуон оид ба иҷрои масъалаҳои ташкилӣ, мисли таъмини амният ва тартиботи ҷамъиятӣ, таъмини хизматрасонии тиббӣ, бехатарӣ аз сӯхтор дар рӯзҳои мусобиқа дастур гирифтанд.
Аъзои Кумитаи тадорукот нимаи дуюми рӯз аз ҷои мусобиқа – Қасри теннис ва маҷмааи варзишҳои обӣ дидан намуданд.
АКС: Федератсияи ҷудои Тоҷикистон








Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод






