Дар Швейтсария масоили интиқоли дониш ва технология барои беҳтар гардонидани пешгӯии обу ҳаво баррасӣ шуд
ДУШАНБЕ, 31.05.2023 /АМИТ «Ховар»/. 29 май дар доираи Конгресси 19-уми Созмони умумиҷаҳонии обуҳавошиносӣ зимни мулоқоти ҳайати Ҷумҳурии Тоҷикистон бо намояндагони Созмони умумиҷаҳонии обуҳавошиносӣ масъалаҳои интиқоли дониш ва технология барои беҳтар гардонидани пешгӯиҳои обу ҳаво ва огоҳии барвақтӣ баррасӣ гардид, хабар медиҳад АМИТ «Ховар» бо истинод ба Агентии обуҳавошиносии ҷумҳурӣ
Тавре иттилоъ дода шуд, ҳайати Ҷумҳурии Тоҷикистон бо роҳбарии директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода ва Сафири фавқулода ва ваколатдори Ҷумҳурии Тоҷикистон дар Швейтсария Ҷамшед Ҳомидов бо намояндагони Созмони умумиҷаҳонии обуҳавошиносӣ, сардори раёсати Созмони умумиҷаҳонии обуҳавошиносӣ оид ба рушди шарикӣ ва сафарбаркунии захираҳо Даниэл Кулл ва роҳбари барномаи Созмони умумиҷаҳонии обуҳавошиносӣ оид ба обшиносӣ ва захираҳои обӣ Фатих Кая мулоқоти дуҷониба доир намуд.
Дар ҷараёни мулоқот инчунин масъалаи ҷорӣ намудани амсилаҳои нави пешгӯӣ ва истифодаи маълумоти Маркази аврупоии пешгӯии обу ҳаво баррасӣ шуд. Ҷонибҳо инчунин ташаббуси нави Созмони умумиҷаҳонии обуҳавошиносӣ – «Огоҳиҳои барвақтӣ барои ҳама (Early Warnings For All)»-ро муҳокима намуданд.
Иттилоъ дода шуд, ки ин ташаббуси ҷаҳонӣ барои он ба роҳ монда шудааст, ки то соли 2027 тамоми сокинони кураи Замин тавассути огоҳиҳои барвақтӣ аз зуҳуроти шадиди обу ҳаво ва иқлим муҳофизат карда шаванд. Ташаббус ба рӯзномаи ҷаҳонӣ то соли 2030 комилан мувофиқат намуда, муқаррароти асосии барномаи чаҳорчӯбаи Сендай барои коҳиш додани хатари офатҳо, инчунин созишномаи Париж оид ба тағйирёбии иқлим ва Ҳадафҳои рушди устуворро дастгирӣ мекунад.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
