Гурӯҳе аз кормандони «Амонатбонк» дар «Беларусбанк» табодули таҷриба намуд
ДУШАНБЕ, 17.05.2023 /АМИТ «Ховар»/. Гурӯҳи кории Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» таҳти роҳбарии муовини раиси Раёсати «Амонатбонк» Шаҳло Сайфзода дар барномаи табодули таҷриба дар доираи Иттиҳоди байнибонкии Созмони ҳамкории Шанхай, ки бо ташаббуси «Беларусбанк» баргузор гардид, иштирок намуд.
Ба АМИТ «Ховар» дар «Амонатбонк» иттилоъ доданд, ки аз ҷониби роҳбарони воҳидҳои сохтории «Беларусбанк» дар мавзуъҳои Стратегияи рушди «Беларусбанк», бизнеси байналмилалӣ дар шароити имрӯзаи ҷаҳонӣ, амалиёти ҳуҷҷатнигорӣ, барномаи дастгирии иқтидори содиротии Беларус, раванди рақамикунонӣ, рушди низоми пардохтҳои ғайринақдӣ ва кортҳои бонкӣ рӯнамо пешниҳод гардид. Инчунин гурӯҳи кории «Амонатбонк» ба яке аз филиалҳои «Беларусбанк», воқеъ дар шаҳри Минск рафта, бо ҷараёни фаъолият ва усули коргузорӣ бо мизоҷон шинос гардид.
Бо ташаббуси роҳбарияти «Беларусбанк» ҳайати расмии «Амонатбонк» аз Корхонаи истеҳсолии автомашинаи «БелАЗ», ки яке аз муштариёни асосии «Беларусбанк» мебошад, боздид намуда, бо ҷараёни истеҳсоли мошинҳои «БелАЗ» шинос гардид.
Дар фарҷом ба иштирокчиёни барномаи табодули таҷриба аз ҷониби роҳбарияти «Беларусбанк» сертификат супорида шуд.
Дар маҷмуъ, мавзуъҳое, ки дар кори барномаи табодули таҷриба мавриди баррасии иштирокдорон қарор дода шуд, ба талаботи имрӯзаи ҷаҳони муосир дар соҳаи бонкдорӣ ҷавобгӯ буда, ҷиҳати дар сатҳи баланд ба роҳ мондани фаъолияти бонк ва филиалҳои он заминаи мусоид фароҳам меорад.
АКС: «Амонатбонк»
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
ҚУРБИ АСЪОР: дар Тоҷикистон 1 евро аз 11.8268 то 11.6500 сомонӣ муқаррар шудааст
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
