Ғолибони Интернет-олимпиадаи байналмилалӣ муайян шуданд

Май 25, 2023 09:24

ДУШАНБЕ, 25.05.2023. /АМИТ «Ховар»/. Ғолибони Интернет-олимпиадаи байналмилалӣ, ки бори аввал аз фанни химия байни донишҷӯёни 50 муассисаи таҳсилоти олии касбӣ дар Донишгоҳи миллии Тоҷикистон доир гардид, муайян шуданд. Дар он 127 иштирокчӣ 6 ҷойи аввал, 12 ҷойи дуюм ва 16 ҷойи сеюмро ба даст оварданд. Дар ин хусус ба АМИТ «Ховар» дар донишгоҳи мазкур хабар доданд.

Олимпиадаи мазкур бо иштироки 50 муассисаи таҳсилоти олии касбӣ аз 8 давлати дунё бо мақсади татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (солҳои 2020-2040)» баргузор шуд.

Дар он 6 донишҷӯ сазовори ҷойи аввал шуд. Аз ҷумла, донишҷӯи курси 2-юми Донишгоҳи давлатии Туркманистон ба номи Махтумқулӣ Азиз Каримбоев, донишҷӯи курси 3-юми Донишгоҳи миллии Тоҷикистон Муҳаммадҷон Бобохонов, донишҷӯи курси 2-юми Донишгоҳи давлатии Туркманистон ба номи Махтумқулӣ Кервен Гадамов, донишҷӯи курси 1-уми Донишгоҳи миллии Казоқистон ба номи ал-Форобӣ Аастха Бхардваҷ, донишҷӯи курси 3-юми Донишгоҳи давлатии омӯзгории Тоҷикистон ба номи С.Айнӣ  Меҳрона Коркунова, донишҷӯи курси 5-уми  Донишгоҳи давлатии Самарқанд ба номи Ш.Рашидов Шуҳрат Ғайбуллоев сазовори ҷойҳои аввал шуданд.

Дар ҷадвал ҷойҳои ба дастовардаи муассисаҳои таҳсилоти олии иштирокчӣ  чунин муайян карда шудааст:

1. Тоҷикистон – 15 ҷой;
2. Қазоқистон — 7 ҷой;
3.Қирғизистон – 5 ҷой;
4. Туркманистон – 2 ҷой;
4. Беларус – 2 ҷой;
5. Узбекистон – 2 ҷой.
6.Русия – 1 ҷой;

АКС: Донишгоҳи миллии Тоҷикистон

Май 25, 2023 09:24

Хабарҳои дигари ин бахш

ФУТБОЛ. Замони оғози бозиҳои мусобиқаи «Cafa Nations Cup-2023» тасдиқ шуд
Дар Душанбе ҷаласаи ҳаштуми Шӯрои миллии суботи молиявӣ дар Ҷумҳурии Тоҷикистон баргузор гардид
«ИСТЕҲСОЛИ ТОҶИКИСТОН». Таҳти ин тамға корхонаи «Субҳи Ватан»-и Исфара содироти меваи хушкро ба роҳ мондааст
«Buta Airways» дар масири Боку-Душанбе-Боку нахустин парвози мустақимро анҷом дод
Ғолибони даври чоруми марҳилаи аввали Чемпионати ҷаҳон оид ба шоҳмот муайян шуданд
Бори аввал дар Тоҷикистон ба парвариши моҳии навъи «бестер» хоҷагии «Моҳипарварии Каёнуш»-и ноҳияи Данғара шуруъ менамояд
«КӮКНОР-2023». Дар вилояти Суғд амалиёти пешгирикунанда гузаронида мешавад
Бори аввал дар Тоҷикистон Форуми ҷумҳуриявии «Омӯзгори навовар» баргузор гардид
ГРАН-ПРИИ ДУШАНБЕ-2023. Дзюдочиёни зиёда аз 40 давлати панҷ қитъаи ҷаҳон ба Тоҷикистон меоянд
Дар Донишгоҳи давлатии Кӯлоб оид ба ҷаҳонбинии нави иттилоотӣ конфронси ҷумҳуриявӣ баргузор шуд
Дар Душанбе бори аввал ниммарафони байналмилалии Оne Run баргузор мешавад
Дар моҳи аввали тобистон тоҷикистониёнро чӣ гуна ҳаво интизор аст?