Ҷованни Инфантино: «Зерсохтори футбол дар Тоҷикистон дар сатҳи зарурӣ рушд менамояд»
ДУШАНБЕ, 02.05.2023 /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон дар Қасри миллат Президенти Федератсияи байналмилалии ассотсиатсияи футбол (ФИФА) Ҷованни Инфантино ва Президенти Конфедератсияи футболи Осиё (АФК) Салмон бин Иброҳим Ал-Халифаро, ки бо сафари корӣ ба шаҳри Душанбе ташриф овардаанд, ба ҳузур пазируфтанд.
Пас аз мулоқот Президенти Федератсияи байналмилалии ассотсиатсияи футбол (ФИФА) Ҷованни Инфантино ва Президенти Конфедератсияи футболи Осиё (АФК) Салмон бин Иброҳим Ал-Халифа барои доираи васеи хабарнигорон нишасти матбуотӣ доир намуданд.
Ба гуфти Ҷованни Инфантино, зимни мулоқот масоил оид ба рушди футбол дар Тоҷикистон баррасӣ карда шуд. Дар Тоҷикистон миллионҳо ҳаводорони футбол зиндагӣ доранд. Дар ин росто бояд Ҳукумати Ҷумҳурии Тоҷикистон, Федератсияи байналмилалии ассотсиатсияи футбол, Конфедератсияи футболи Осиё ва Федератсияи футболи Тоҷикистон дар якҷоягӣ кор кунанд, то ин намуди варзиш дар ҷумҳурӣ боз бештар рушд ёбад.
«Мо бояд ба рушди зерсохтори футбол дар Тоҷикистон сармоягузории зурурӣ равона кунем. Дар шаҳри Душанбе сохтмони варзишгоҳи замонавӣ идома дорад, ки дар оянда метавонад «рамзи рушди футбол»-и Тоҷикистон гардад.
Ба гуфти Президенти Федератсияи байналмилалии ассотсиатсияи футбол, як бахши муҳим — ин ҳамкории сохторҳои футбол бо мактабҳо мебошад, ки ба тарбия тавассути футбол заминаи хуб мегузорад.
Иттилоъ дода шуд, ки имрӯз зерсохтори футболи Тоҷикистон барои гузаронидани чорабиниҳои сатҳи байналмилалӣ ва мантақавӣ пурра омода мебошад. Федератсияи байналмилалии ассотсиатсияи футбол ва Конфедератсияи футболи Осиё аз он самаранок истифода мебаранд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
