Тоҷикистонро дар Чемпионати ҷаҳон оид ба гӯштини ҷудо дар Қатар 9 паҳлавон муаррифӣ мекунад

Май 7, 2023 09:00

ДУШАНБЕ, 07.05.2023 /АМИТ «Ховар»/. Имрӯз, 7 май дар шаҳри Давҳаи Қатар Чемпионати ҷаҳон оид ба гӯштини ҷудо баргузор мешавад, ки то 14 май идома меёбад, хабар медиҳад мухбири АМИТ «Ховар».

Тибқи низомнома, дар чемпионат варзишгароне ширкат карда метавонанд, ки дар раддабандии ҷаҳонӣ (нашри 3 апрел) дар 100-гона мавқеъ дошта бошанд.

Тоҷикистонро дар Чемпионати ҷаҳон Эмомалӣ Нуралӣ (-66кг), Шаҳбоз Саидаброров (-66кг), Беҳрӯз Хоҷазода (-73кг), Шодмон Ризоев (-81кг), Сомон Маҳмадбеков (-81кг), Комроншоҳ Устопириён (-90кг), Ҷаҳонгир Маҷидов (-90кг), Абубакри Акобир (-100кг) ва Темур Раҳимов (+100кг) намояндагӣ хоҳанд кард.

Қобили тазаккур аст, ки Чемпионати ҷаҳонии ҷудо-2023 дар доираи мусобиқоти сайри ҷаҳонии ҷудо баргузор мешавад. Ғолибону ҷоизадорони чемпионат бо ҷоизапулии арзишманд қадрдонӣ карда мешавад. Фонди ҷоизаҳои чемпионат 1 миллион евроро ташкил медиҳад. Дар сабқатҳои инфиродӣ ба ғолибон дар ҳамаи 14 вазн 26 000 евро, ба барандагони медали нуқра 15000 евро ва ба барандагони медали биринҷӣ 8000 евро тақдим мегардад. Дар рақобатҳои даставӣ барои ҷои якум 90 000 евро, барои ҷои дуюм 60000 евро ва барои ҷои сеюм 25000 евро пешбинӣ шудааст.

Ҳамчунин варзишгарон барои беҳтар кардани мавқеашон дар раддабандии ҷаҳонӣ ва олимпӣ соҳиби хол мешаванд. Аз ҷумла, ғолибон 2000 хол, барандагони ҷои дуюм 1400, ҷои сеюм 1000 хол ва ҳамин тавр барои иштирок 20 хол мегиранд.

АКС: Федератсияи ҷудои Тоҷикисто

 

Май 7, 2023 09:00

Хабарҳои дигари ин бахш

«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Пагоҳ бозии ниҳоии Ҷоми Тоҷикистон-2025 оид ба футбол баргузор мегардад
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид
ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад
РӮЗИ БАЙНАЛМИЛАЛИИ ТАЭКВОНДО. Ин навъи варзиши олимпӣ дар Тоҷикистон рушди бештар меёбад
ҶОМИ ОСИЁ-2026. Дастаи олимпии Тоҷикистон (U-23) дар марҳилаи интихобӣ нахустин бозӣ доир менамояд
Дар Душанбе Мусобиқаи байналмилалӣ оид ба шиноварӣ оғоз ёфт
«CAFA NATIONS CUP 2025». Дастаи мунтахаби Тоҷикистон бо дастаи Афғонистон бозӣ менамояд