Туркия дар остонаи даври дуюми интихобот қарор дорад

ДУШАНБЕ, 15.05.2023 /АМИТ «Ховар»/. Тафовут байни Президенти Туркия Раҷаб Тайип Эрдуғон ва номзади ягонаи мухолифон Кемал Қиличдароғлу дар интихоботи президентие, ки 14 май баргузор шуд, аз рӯи натиҷаи ифтитоҳи 99,86 фоизи қуттиҳои раъйдиҳӣ то 4,35 дарсад коҳиш ёфт. Тавре АМИТ «Ховар» бо истинод ба ТАСС иттилоъ медиҳад, чунин маълумотро рӯзи душанбе шабакаи телевизиони давлатии TRT овардааст.

 Эрдуғон 49,34%, рақиби асосии ӯ 44,99% овозҳоро ба даст овардааст. Номзади сеюм аз “Алянси АТА” Синан Оган 5,23% овоз гирифтааст. Аз рӯи натиҷаҳои коркарди 99,2 фоизи қуттиҳои овоздиҳӣ фосилаи байни номзадҳои пешсаф қариб 4,5 банди фоизиро ташкил дод. Барои пирӯзӣ дар даври аввал номзад бояд 50% бо иловаи як овозро гирад, вагарна даври дуюм 28 май баргузор мешавад.

Рӯзи якшанбе дар Туркия интихоботи президентӣ ва парлумонӣ баргузор шуд, қитъаҳои интихоботӣ аз соати 08:00 то 17:00 фаъолият карданд. Овоздиҳӣ таҳти чораҳои пурзӯри амниятӣ сурат гирифт. Дар маҷмуъ дар интихобот беш аз 53 миллион нафар овоз дод.

АКС аз манбаъҳои боз