Зарфияти сайёҳии Тоҷикистон дар Намоишгоҳи байналмилалии «Riyadh Travel Fair-2023» дар Арабистони Саудӣ муаррифӣ шуд
ДУШАНБЕ, 24.05.2023. /АМИТ «Ховар»/. Шуруъ аз 22 май дар шаҳри Риёзи Арабистони Саудӣ роҳбарони ширкатҳои сайёҳии ватанӣ ва намояндагони воситаҳои ахбори оммаи миллӣ имконияти сайёҳии Тоҷикистонро дар Намоишгоҳи байналмилалии сайёҳии «Riyadh Travel Fair-2023» муаррифӣ намуда истодаанд. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Дар ин намоишгоҳ Сафорати Ҷумҳурии Тоҷикистон дар Подшоҳии Арабистони Саудӣ, Донишгоҳи байналмилалии сайёҳӣ ва соҳибкории Тоҷикистон, роҳбарони ширкатҳои сайёҳии ватанӣ ва намояндагони воситаҳои ахбори оммаи миллӣ бо дастгирии Ҳукумати Ҷумҳурии Тоҷикистон имконияти сайёҳии мамлакатро муаррифӣ доранд.
Намоишгоҳи сайёҳии Riyadh 2023 чорабинии маъруфтарин дар минтақа ба ҳисоб рафта, ҳамчун платформа барои ҷорӣ намудани маҳсулоти туристӣ, хизматрасонӣ ва сармоягузорӣ аз ҷониби бузургтарин ширкатҳои сайёҳӣ дар саросари ҷаҳон мебошад.
Дар ҳошияи намоишгоҳ вохӯрии ҳайати намояндагони соҳаи сайёҳии Тоҷикистон бо бахши сайёҳии Арабистони Саудӣ ва сармоягузорони ин кишвар баргузор гардид.
Иштироки ширкатҳои сайёҳӣ дар чунин намоишгоҳҳо дар хориҷи мамлакат, бахусус дар Намоишгоҳи байналмилалии сайёҳии «Riyadh Travel Fair» яке аз роҳҳои самараноки ҷалби гардишгарони хориҷӣ ба ҷумҳурӣ маҳсуб мешавад. Он барои васеъ гаштани ҳамкории ширкатҳои ҷумҳурӣ бо ширкатҳои давлатҳои аз ҷиҳати сайёҳӣ пешрафта заминаи мусоид фароҳам меорад.
Дар гӯшаи сайёҳии мамлакат бартарияти рақобатнокии Тоҷикистон, аз ҷумла иқтидори бойи табиӣ, сайёҳии табобатию солимгардонӣ ва имконияти машғулият бо намудҳои сайёҳии варзишию кӯҳнавардӣ, фарҳанги нодир ва тамаддуни қадимӣ инъикос гардидааст.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Вазорати рушди иқтисод ва савдои Ҷумҳурии Тоҷикистон ҳамоиши ҷавонон доир гардид
Раёсати ҷониби Тоҷикистон дар ҷаласаи Шурои роҳбарони мақомоти омори мамлакатҳои аъзои Иттиҳоди Давлатҳои Мустақил
Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» Ёддошти тафоҳуми ҳамкорӣ ба имзо расид
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодию тиҷоратӣ баргузор гардид
Ҳамкории тиҷоратию иқтисодӣ ва сармоягузории дуҷониба байни Тоҷикистон ва Амороти Муттаҳидаи Араб густариш меёбад
Дар Душанбе ҳамкории ширкатҳои австриягӣ дар бунёди неругоҳҳои барқи обӣ дар Тоҷикистон баррасӣ шуд
Ҳайати Тоҷикистон дар Форум-намоишгоҳи байналмилалии сохтмонӣ 100+ TechnoBuild иштирок намуд
Ҳамлу нақли транзитии воситаҳои нақлиёти боркаш тавассути қаламрави Тоҷикистон ва Узбекистон бе рухсатнома амалӣ мегардад
Дар дарёи Ғунд Неругоҳи барқи обии «Чарсем» бунёд карда мешавад
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодӣ доир мегардад
Робитаҳои иқтисодиву тиҷоратии Тоҷикистон ва Озарбойҷон тавсеа меёбанд
Дар Душанбе лоиҳаи «Маблағгузории соҳибкории занон» баррасӣ гардид
