Бахшида ба Рӯзи ваҳдати миллӣ дар Рӯшон конфренсияи ҷумҳуриявӣ доир гардид

Июнь 9, 2023 17:17

ДУШАНБЕ, 09.06.2023. /АМИТ «Ховар»/. Дар ноҳияи Рӯшон бо иштироки роҳбарияти Вилояти Мухтори Кӯҳистони Бадахшон, Кумитаи иҷроияи Ҳаракати Ваҳдати миллӣ ва эҳёи Тоҷикистон, инчунин донишмандон ва аҳли зиё Конфренсияи ҷумҳуриявӣ таҳти унвони «Таҳкими ваҳдати миллӣ мароми мост» баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.

Қабл аз оғози кори конференсия дар Муассисаи таҳсилоти миёнаи умумии № 8-и ба номи Отамбек Илчибекови ноҳияи Рӯшон бо гурӯҳи кӯдакони ятими кули ноҳия вохўрӣ гузаронида шуда, ба онҳо туҳфаҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки иборат аз либосу пойафзол мебошад, тақдим гардид.

Таъкид шуд, ки дар сиёсати иҷтимоии Ҳукумати Ҷумҳурии Тоҷикистон ва шахсан Раиси Ҳаракати Ваҳдати миллӣ ва эҳёи Тоҷикистон муҳтарам Эмомалӣ Раҳмон қишри осебпазир, ба хусус кӯдакони ятиму бепарастор ва имконияти маҳдуди ҷисмонӣ таҳти таваҷҷуҳ ва ғамхории ҳамешагии роҳбарияти давлату ҳукумат қарор дошта, пайваста аз кумаку дастгирӣ ва имтиёзҳо бархурдор мегарданд.

Баъд аз боздид аз намоишгоҳ, ки дар он дастовардҳои наврасону хонандагони муассисаи таҳсилоти мазкур ба намоиш гузошта шуда буд, кори конференсия шуруъ гардид.

Дар конференсия гуфта шуд, ки аз ҷумлаи иқдомҳои аввалини Сарвари давлат муҳтарам Эмомалӣ Раҳмон ин таъсиси Шӯрои ҷамъиятии ҳаракати Ваҳдати миллӣ ва эҳёи Ҷумҳуриии Тоҷикистон барои эҳёи сулҳу субот дар рӯзҳои басо душвор мебошад. Роҳбарияти Кумитаи иҷроияи Ҳаракати Ваҳдати миллӣ ва эҳёи Тоҷикистон дар мавзӯи «Нақши Ҳаракати Ваҳдати миллӣ ва эҳёи Тоҷикистон дар таҳкими ваҳдати миллӣ» ибрози назар намуда, афзуд, ки хушбахтона, имрӯз дар саросари мамлакат аъзои ин ҳаракати ҷамъиятӣ ба беш аз 3 миллион нафар расидааст, ки фоизи бештари онро ҷавонон ташкил медиҳад.

Иштирокдорони дигари конференсия аз ҳисоби зиёиёни ноҳияи Рӯшон атрофи мавзуи «Таҳкими ваҳдати миллӣ мароми мост» ва роҳҳои расидан ба ваҳдати сартосарӣ, ҳифзи ҳувияти миллӣ ва дастовардҳои замони соҳибистиқлолиии Ҷумҳурии Тоҷикистон, саҳми Пешвои миллат дар рушди мамлакат изҳори андеша намуда, миннатдории хешро ба созмондиҳандагони ҳамоиши ҷумҳуриявӣ баён намуданд.

АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон

Июнь 9, 2023 17:17

Хабарҳои дигари ин бахш

Имкониятҳои сайёҳии табобатии Тоҷикистон муаррифӣ гардиданд
Дар Душанбе даври ниҳоии озмуни «Кадбонуи беҳтарин» баргузор мегардад
Намояндаи Тоҷикистон дар ҷаласа оид ба таъсири оқибатҳои тағйирёбии иқлим ба саломатии аҳолӣ иштирок намуд
ОГОҲӢ. Хатари лағжиши тарма ва омадани сел дар роҳҳои кӯҳии Тоҷикистон то 10 апрел боқӣ мемонад
Дар Душанбе даври ҷумҳуриявии озмуни «Кадбонуи беҳтарин» баргузор мегардад
Доир ба баланд бардоштани сифати таълим дар ИДМ конференсияи байналмилалӣ баргузор мешавад
Мудирони бахши таблиғотии кумитаҳои иҷроияи ҲХДТ ба даври бозомӯзӣ фаро гирифта мешаванд
Дар натиҷаи сангрезӣ дар ноҳияи Рӯшон як манзили истиқоматӣ хароб гардидааст
САЛОМАТӢ — НЕЪМАТИ БЕБАҲО! Шумо кай охирон маротиба аз муоинаи тиббӣ гузаштаед?
Имрӯз аз таъсиси Хадамоти иҷрои назди Ҳукумати Ҷумҳурии Тоҷикистон 7 сол сипарӣ мешавад
Пагоҳ дар тамоми муассисаҳои тиббии Тоҷикистон ташхиси ройгон гузаронида мешавад
Дар Филиппин Саммити 7-уми глобалии вазирон оид ба бехатарии беморон баргузор гардид