Бар асари сӯхторҳои шадид дар шарқи Канада беш аз 16 ҳазор нафар тахлия карда шуд
ДУШАНБЕ, 01.06.2023 /АМИТ «Ховар»/. Сӯхтори шадид дар ҷанубу шарқи Канада боиси тахлияи беш аз 16 ҳазор нафар шудааст. Тавре АМИТ «Ховар» бо истинод ба «Интерфакс» иттилоъ медиҳад, дар ин хусус расонаҳои Канада хабар медиҳанд.
Ғайр аз ин, тақрибан 200 хона ва дигар биноҳо осеб дидаанд.
Сӯхтор ҷангалҳоро дар музофоти Шотландияи Нав фаро гирифт. Раиси вилоят Тим Хюстон иброз намуд, ки дар тамоми вилоят мамнуъияти ҳама гуна фаъолият дар минтақаи ҷангал, аз ҷумла шикор ва хаймазанӣ ҷорӣ мешавад.
Мақомоти маҳаллӣ ба ин назар ҳастанд, ки ояндаи наздик тахлияи иловагӣ амалӣ мегардад, зеро рӯзи чаҳоршанбе дар минтақа ҳаво гармтар мешавад ва ҳадди ақалл то рӯзи ҷумъа бориш дар назар нест. Чунин шароити обу ҳаво метавонад боиси паҳншавии фаъолонаи сӯхтор гардад.
Сӯхтори ҷангал дар саросари ҷанубу шарқи Канада аз охири ҳафта инҷониб идома дорад.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
