Дар Чин бар асари таркиши зарфи гази моеъ беш аз 30 нафар ба ҳалокат расиданд

ДУШАНБЕ, 22.06.2023 /АМИТ «Ховар»/. Дар вилояти мухтори Нинся-Ҳуэйи шимолу ғарби Чин бар асари таркиши зарфи гази моеъ беш аз 30 нафар ба ҳалокат расиданд. Тавре АМИТ «Ховар» иттилоъ медиҳад, дар ин хусус агентии «Синхуа» бо истинод ба мақомоти маҳаллӣ хабар дод.

Гуфта мешавад, ки ҳодиса рӯзи чоршанбе, соати 20:40 ба вақти маҳаллӣ (соати 17:40 ба вақти Душанбе) дар тарабхонае дар ҳавзаи шаҳрии Инчуан рух додааст.

Дар натиҷаи ихроҷи гази моеъ таркиш ба амал омада, бар асари он 38 нафар маҷрўҳ шуданд, ки аз онҳо 31 нафарашон ба ҳалокат расида, 7 каси  дигар дар ҳолати вазнин таҳти муолиҷа қарор доранд.

АКС аз манбаъҳои боз