ГРАН-ПРИИ ДУШАНБЕ-2023. Дар рӯзи аввали мусобиқа ҷудочиёни Тоҷикистон ду медал ба даст оварданд

ДУШАНБЕ, 02.06.2023 /АМИТ «Ховар»/. Имрӯз, 2 июн дар рӯзи аввали мусобиқаи Гран-прии Душанбе-2023 оид ба ҷудо ғолибон ва ҷоизадорон дар панҷ вазн муайян гардиданд. Дар рӯзи аввал ҷудочиёни Тоҷикистон Меҳрзод Суфиев (дар вазни -60 кг) медали биринҷӣ ва Обид Ҷебов (дар вазни -66 кг) медали тилло ба даст оварданд, хабар медиҳад мухбири АМИТ «Ховар».

Ғолибону ҷоизадорони Гран-прии Душанбе-2023 дар баробари медалҳо бо ҷоизаҳои пулӣ сарфароз гардиданд. Ғолибони ҷойи аввал соҳиби 3000 евро, ҷойи дуюм 2000 евро ва ҷойи сеюм 1000 евро шуданд.

Бояд гуфт, ки Гран-прии Душанбе-2023 мусобиқаи интихобӣ ба Бозиҳои олимпии Париж-2024 низ буда, ба рейтинги варзишгарон хол илова карда мешавад. Барои ҷойи 1 — 700 хол, ҷойи 2 — 490, ҷойҳои 3 — 350, ҷойи 5 — 252 хол ва ғайра дода мешавад.

Ғолибону ҷоизадорони рӯзи аввали мусобиқа:

Мардон

-60 кг

1. Рамазон Абдуллоев (варзишгари фардии бетараф),
2. Туран Байрамов (Озарбойҷон),
3. Лука Мхеидзе (Фаронса),
3. Меҳрзод Суфиев (ТОҶИКИСТОН)

-66 кг

1. Обид Ҷебов (ТОҶИКИСТОН)
2. Мурод Чопанов (варзишгари фардии бетараф),
3. Яшар Наджафов (Озарбойҷон),
3. Сунггат Жубаткан (Қазоқистон).

Занон

-48 кг

1. Маруси Стангар (Словения),
2. Сабина Гилязова (варзишгари фардии бетараф),
3. Нарантсэтсэг Ганбаатар (Муғулистон),
3. Андреа Стоядинова (Сербия).

-52 кг

1. Алеся Кузнецова (варзишгари фардии бетараф),
2. Гултай Маммадалиева (Озарбойҷон),
3. Бишрелтиин Хорлодой (Аморати Муттаҳидаи Араб),
3. Жу Янгинг (Чин).

— 57 кг

1. Шукурҷон Аминова (Узбекистон),
2. Капанни Диас Тауани Дэвид (Италия),
3. Вероника Тониоло (Италия),
3. Сай Си (Чин).

Бояд таъкид намуд, ки ин мусобиқаи ҷаҳонии дзюдо дар Тоҷикистон бори аввал баргузор мешавад.

АКС: АМИТ «Ховар»