«ИСТЕЪДОДҲОИ НАВРАС». Нахустин гурӯҳи иштирокчиёни Фестивали III байналмилалии эҷодиёти бадеии кӯдакон ва наврасон ба Душанбе омад
ДУШАНБЕ, 26.06.2023 /АМИТ «Ховар»/. Субҳи имрӯз як гурӯҳ наврасони соҳибистеъдод аз Русия, Узбекистон ва Туркманистон барои иштирок дар Фестивали III байналмилалии эҷодиёти бадеии кӯдакон ва наврасон «Истеъдодҳои наврас» ба шаҳри Душанбе омаданд. Дар ин хусус ба АМИТ «Ховар» дар Муассисаи давлатии «Маркази кӯдакон ва наврасони шаҳри Душанбе» хабар доданд.
Ифтитоҳи расмии Фестивал шоми имрӯз, 26 июн, соати 18:30 бо баргузории барномаи фарҳангии идона дар саҳни Муассисаи давлатии «Маркази кӯдакон ва наврасони шаҳри Душанбе» пешбинӣ шудааст.
Фестивали мазкур бо мақсади фароҳам овардани шароити мусоид баҳри таҳким бахшидани муносибатҳои дӯстона байни кӯдакон ва наврасони соҳибистеъдод, тарғиби арзишҳои инсонпарварона, сулҳу ваҳдат, омӯзиш ва арҷгузорӣ ба урфу одат ва фарҳангу тамаддуни ҳамдигарӣ, табодули иттилоъ ва таҷриба байни муассисаҳои таҳсилоти иловагӣ, марказҳои эҷодии кӯдакону наврасон, театр ва ансамблҳои кӯдакона ва дар ин замина мусоидат намудан дар муаррифӣ ва рушди эҷодиёти мусиқиву бадеии насли наврас баргузор карда мешавад.
Ёдовар мешавем, ки фестивал соли сеюм аст, ки таҳти сарпарастии Раиси шаҳри Душанбе муҳтарам Рустами Эмомалӣ дар пойтахти Ҷумҳурии Тоҷикистон аз ҷониби Сарраёсати маорифи шаҳри Душанбе доир мегардад.
Дар назар аст, ки дар доираи Фестивали III байналмилалии эҷодиёти бадеии кӯдакон ва наврасон таҳти унвони «Истеъдодҳои наврас» Озмуни дуюми байналмилалии эҷодиёти мусиқии кӯдакон ва Намоиши дуюми байналмилалии мусаввирони наврас баргузор гардида, инчунин барномаҳои рангини фарҳангиву фароғатӣ ташкил ва гузаронида шаванд.
АКС: Муассисаи давлатии «Маркази кӯдакон ва наврасони шаҳри Душанбе»
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
Марказҳои барқу гармидиҳии шаҳри Душанбе ба кор оғоз намуданд
