ҶОМИ МИЛЛАТҲОИ АРАБ-2023. Футзалбозони тоҷик аввалин бозии худро бо дастаи мунтахаби Либия баргузор намуданд

Июнь 7, 2023 12:04

ДУШАНБЕ, 07.06.2023 /АМИТ «Ховар»/. Шоми дирӯз дастаи мунтахаби Тоҷикистон оид ба футзал дар доираи бозиҳои гурӯҳии Ҷоми миллатҳои Араб-2023 оид ба футзал бо дастаи мунтахаби Либия бозӣ кард, ки он дар Арабистони Саудӣ доир гардида, бо ҳисоби 1 бар 2 ба нафъи дастаи мунтахаби Либия анҷом ёфт. Дар ин хусус ба шореҳи варзиши АМИТ «Ховар» Меҳрони Қурбон дар Федератсияи футболи Тоҷикистон хабар доданд.

Ягона голи дастаи мунтахаби Тоҷикистонро Файзалӣ Сардоров ба нишон расонид. Дар вохӯрии дигари гурӯҳ дастаҳои мунтахаби Арабистони Саудӣ ва Алҷазоир мусовӣ — 4:4 бозӣ карданд.

Ёдовар мешавем, ки дастаи мунтахаби Тоҷикистон дар гурӯҳи «А» баромад мекунад. Рақибони тими миллии мо дар марҳилаи гурӯҳии мусобиқот дастаҳои Либия, Арабистони Саудӣ ва Алҷазоир мебошанд.

Хотиррасон мешавем, ки дар даври дуюми марҳилаи гурӯҳии Ҷоми миллатҳои Араб-2023 рӯзи панҷшанбе, 8 июн дастаи мунтахаби Тоҷикистон бо тими мунтахаби Арабистони Саудӣ вомехӯрад. Вохӯрӣ соати 21:00 ба вақти Душанбе оғоз мешавад. Бояд гуфт, ки аз рӯи ҷамъбасти марҳилаи гурӯҳии мусобиқот ду даста аз се гурӯҳ, инчунин ду дастаи беҳтарин аз миёни онҳое, ки ҷойҳои сеюмро ишғол мекунанд, ба даври плей-офф роҳ меёбанд.

Қобили тазаккур аст, ки Ҷоми миллатҳои Араб-2023, аз 6 то 16 июни соли равон дар шаҳри Ҷидда баргузор мешавад, дар он дастаи мунтахаби футзали Тоҷикистон дар гурӯҳи «А» бо дастаҳои мунтахаби Арабистони Саудӣ, Либия ва Алҷазоир бозӣ мекунад. Дар гурӯҳи «В» дастаҳои мунтахаби Марокаш, Комор, Кувайт ва Лубнон иштирок менамоянд. Дар гурӯҳи «С» дастаҳои мунтахаби Миср, Мавритания, Фаластин ва Ироқ байни ҳам мубориза мебаранд.

Ёдовар мешавем,ки бар асоси натиҷаи марҳилаи гурӯҳии Ҷоми миллатҳои Араб-2023 аз ҳар гурӯҳ ду даста ва инчунин ду дастаи беҳтарини ҷойи сеюм ба даври плей-офф роҳ ёфта, ҷуфтҳои даври чаҳорякниҳоиро ташкил мекунанд.

Ҷоми миллатҳои Араб-2023

Гурӯҳи «А». 

Даври 1

Либия — Тоҷикистон — 2:1

Голи Тоҷикистон: Файзалӣ Сардоров.

Арабистони Саудӣ — Алҷазоир — 4:4

Даври 2

8 июн (панҷшанбе)

Оғоз — соати 21:00 ба вақти Душанбе

Тоҷикистон – Арабистони Саудӣ

Даври 3

10 июн (шанбе)

Оғоз — соати 21:00 ба вақти Душанбе

Тоҷикистон – Алҷазоир

АКС: Федератсияи футболи Тоҷикистон

Июнь 7, 2023 12:04

Хабарҳои дигари ин бахш

БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд
Се варзишгари навраси тоҷик аз намуди бокс ба даври ниҳоии Бозиҳои сеюми кишварҳои ИДМ роҳ ёфтанд
ФУТБОЛ. Шервонӣ Мабатшоев ва Алишер Тухтаев беҳтарин бозингар ва мураббии моҳи сентябр дониста шуданд
Горан Стеванович сармураббии нави дастаи мунтахаби Тоҷикистон оид ба футбол таъин шуд
ФУТЗАЛ. 4 октябр бозии Суперҷоми Тоҷикистон-2025 баргузор мешавад
БОКС. Варзишгарони навраси тоҷик ба марҳилаи нимниҳоии Бозиҳои ИДМ-2025 роҳ ёфтанд
Дастаи «Истиқлол» аввалин ғалабаро дар Лигаи дуюми чемпионҳои КФО-2025/26 ба даст овард