«Равшан», «Хуҷанд» ва «Куктош» дар бозиҳоии мавқуфмондаи даври панҷуми Чемпионати Тоҷикистон ғолиб гардиданд

ДУШАНБЕ, 30.06.2023 /АМИТ «Ховар»/. Шоми дирӯз бозии мавқуфмондаи даври панҷуми Чемпионати Тоҷикистон байни дастаҳои Лигаи олӣ — «Равшан»-и шаҳри Кӯлоб бо «Регар-ТадАЗ»-и шаҳри Турсунзода дар варзишгоҳои маркази шаҳри Кӯлоб бо иштироки 8000 мухлис баргузор гардид. Бозии дастаҳо бо ҳисоби 3:1 бар нафъи дастаи футболи «Равшан»-и шаҳри Кӯлоб анҷом ёфт. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.

Қобили тазаккур аст, ки бозиҳои дигари даври панҷуми Чемпионати Тоҷикистон дар варзишгоҳои мамлакат баргузор шуданд.

Дар ин давр ҳамчунин дастаҳои футболи «Хуҷанд»-и шаҳри Хуҷанд бар «Ҳосилот»-и ноҳияи Фархор бо ҳисоби 1:0 ва дастаи «Куктош»-и ноҳияи Рӯдакӣ бар дастаи футболи КМВА-и шаҳри Душанбе бо ҳисоби 1:0 ғолибият ба даст оварданд.

Чемпионати Тоҷикистон-2023

Лигаи олӣ. Даври 5

«Равшан» – «Регар-ТадАЗ» – 3:1

Голҳора: Нуриддин Хамрокулов, 51 (0:1). Самуэль Офори, 90 (1:1). Эммануэль Мваненго, 90+2 (2:1). Джозеф Акомади, 90+7 (3:1).

Беҳтарин бозингар: Самуэл Офори («Равшан»)

Кӯлоб, Варзишгоҳи марказӣ 8000 ҳазор тамошобин

«Куктош» – КМВА – 1:0

Гол: Азизбек Султонов, 75.

АКС: Федератсияи футболи Тоҷикистон