АЗ ПАЙИ ЭРОДҲО. Дар Душанбе сатҳу сифати хизматрасонии нақлиётӣ пурзӯр ва фаъолияти ронандагон назорат карда мешавад
ДУШАНБЕ, 14.07.2023. /АМИТ «Ховар»/. 13 июл бо иштироки васеи роҳбарони сохторҳои марбутаи соҳа ва корхонаву ҷамъиятҳои нақлиётии мусофирбари пойтахт бо мақсади беҳтарсозии сатҳу сифати хизматрасонии нақлиёти ҷамъиятии пойтахт ва пӯрзур намудани назорати фаъолияти ронандагон дар хатсайрҳо ҷаласа доир гардид. Дар ин хусус ба АМИТ «Ховар» дар МДК «Душанбенақлиётхадамотрасон» хабар доданд.
Дар ҷаласа нахуст фаъолияти соҳа дар давраи сипаригардида мавриди таҳлилу баррасӣ қарор дода шуда, доир ба корҳои иҷрошуда дар ин самт ҳисоботи роҳбарони сохторҳои дахлдор шунида шуд.
Таъкид гардид, ки бо инобати пешравиҳои назарраси соҳа дар давраи сипаришуда то ҳанӯз камбудиҳо дар ин самт ба мушоҳида мерасанд.
Дар ҷаласа вобаста ба рух додани садамаҳои нохуши нақлиётӣ бо иштироки ронандагони нақлиёти мусофирбар, ҳолати техникии аксари воситаҳои нақлиёт, ивази хати сайр, намои зоҳирии воситаҳои нақлиёт, либоси ягонаи расмии ронандагон ва ғайра изҳори нигаронӣ шуда, ба роҳбарони сохторҳои дахлдори соҳа ва корхонаву ҷамъиятҳои нақлиётии мусофирбари пойтахт дастуру супоришҳои мушаххас дода шуд.
Ҳамзамон таъкид гардид, ки бо мақсади иҷрои саривақтии дастуру супоришҳо ва нақшаи чорабиниҳои тасдиқгардидаи Мақомоти иҷроияи ҳокимияти давлатии шаҳри Душанбе дар самти боз ҳам беҳтар ба роҳ мондани сатҳу сифати хизматрасонии нақлиёти мусофирбар дар пойтахт тадбирҳои иловагӣ андешида шаванд. Ҳамчунин барои дар сатҳи хуб гузаронидани чорабиниҳои сиёсию фарҳангии дар пешистода омодагии ҳамаҷониба дида, бо дарки масъулияти баланди касбӣ раванди хизматрасонии ронандагони воситаҳои нақлиёти мусофирбарро дар хатҳои сайр пайваста назорат намоянд.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон 12 июл зимни суҳбат бо кормандони якчанд воҳиди сохтории Вазорати корҳои дохилии Ҷумҳурии Тоҷикистон аз ҳолатҳои зиёди қонуншиканӣ зимни идораи нақлиёт бо рақамҳои қалбакӣ, бе рақами қайди давлатӣ, итоат накардан ба талаботи қоидаи ҳаракат ва ҷиҳати тоза намудани сафи ҳайати шахсии Бозрасии давлатии автомобилӣ изҳори нигаронӣ намуда, супориш доданд, ки тамоми кормандони Бозрасии давлатии автомобилӣ аз аттестатсия гузаронида шаванд.
Ба роҳбарияти мақомоти Бозрасии давлатии автомобилӣ дастур дода шуд, ки минбаъд зимни ба кор қабул кардан ба маҳорати касбӣ ва дониши мукаммали кадрҳо диққати ҷиддӣ дода шавад.
АКС: МДК «Душанбенақлиётхадамотрасон»
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
Марказҳои барқу гармидиҳии шаҳри Душанбе ба кор оғоз намуданд
