Ба муштариёни «МегаФон Тоҷикистон» таркибу паҳлуҳои алоқаи мобилӣ нишон дода шуд

Июль 17, 2023 12:18

ДУШАНБЕ, 17.07.2023 /АМИТ «Ховар»/. Корбарони фаъоли хизматрасонии «МегаФон Тоҷикистон» бо чашми худ диданд, ки шабакаи иборат аз ҳазор пойгоҳи базавӣ чӣ гуна кор мекунад, бо хадамоти мизоҷон аз наздик шинос шуданд ва фаҳмиданд, ки чӣ тавр дархосту шикоятҳои муштариён фавран баррасӣ мегарданд.

20 муштарии оператор имконияти беназири дидани «паси парда»-и алоқаи мобилиро пайдо намуданд. Дар шуъбаи идораи фаврӣ-техникӣ онҳо шоҳиди он шуданд, ки чӣ тавр мутахассисони техникӣ шабакаро дар реҷаи 24/7 назорат мекунанд, ҳамаи пойгоҳҳои базавии ширкат зиёда аз 3 ҳазорро ташкил медиҳанд, дар экрани калон инъикос меёбанд. Ба шарофати муосиркунонӣ иқтидори шабака соли 2023 тақрибан се баробар зиёд карда шуд. Ин чунин маъно дорад, ки шумораи бештари муштариён метавонанд ба интернет дастрасӣ пайдо кунанд ва аз он бо суръати баланд истифода баранд.

Иштирокчиён ба раванди хизматрасонӣ таваҷҷуҳ зоҳир карда, шоҳиди он шуданд, ки мушовирон ба саволҳои муштариён чӣ гуна посух медиҳанд. Дар байни масъалаҳои бештар паҳншуда — ивази тарофа, пайвасткунии опсияҳо, кумак дар танзими интернет дар смартфон ва ғ. дида мешаванд. Вақти миёнаи хизматрасонӣ 2 дақиқаю 45 сония аст. Агар савол дар бораи хизматрасонии мураккаб бошад, машварат метавонад то шаш дақиқа идома ёбад.

Кормандони ширкат баъд аз экскурсия дар идора оид ба хизматрасонии муфид маълумот доданд. Ҳамин тариқ, муштариёни оператори имконияти нави рақамӣ ба интиқоли фаврии маблағ ва қарзҳои «Орзу», инчунин хариди чиптаҳои ҳавопаймоӣ бо ёрии смартфон дастрасӣ доранд. Роҳи мувофиқи истифодаи хизматрасонии муосири рақамӣ — ин замимаи мобилии «МегаФон Life» мебошад.

Яке аз иштирокчиёни экскурсия Ситора гуфт, ки «вақте фаҳмидам, ки кори шабакаи «МегаФон Тоҷикистон» то ин андоза аз ҷиҳати техникӣ мушкил аст, ба фикр афтодам. Ин қадар пойгоҳҳои базавӣ ва ҳар кадомаш таҳти назорат! Экскурсия ба мо имкон дод, бубинем, ки ширкат чӣ гуна барои муштариёнаш алоқаро таъмин мекунад».

«Тӯли панҷ сол мешавад, ки муштарии ширкат ҳастам ва аз сифати хизматрасонӣ қаноатмандам. Ҳоло маълум шуд, ки чӣ тавр МегаФон Тоҷикистон ба ҳамаи ин ноил мегардад!»,– иброз дошт меҳмони дигари ширкат Мадина.

Дар ҷамъбаст роҳбари самти хадамоти мизоҷони ширкати «МегаФон Тоҷикистон» Фарангис Нурханова гуфт, ки «танҳо дар бораи фаъолияти мо шунидан кофӣ нест, муҳим аст, ки онро бо чашмони худ бубинем. Вохӯриҳои шахсӣ барои наздиктар шудан бо муштариён ва ба онҳо фаҳмотар гардидани кори мо кумак мекунанд. Аз ин рӯ, ба фикрам бояд онҳоро бештар даъват намоем!».

АКС: ширкати «МегаФон Тоҷикистон»

 

Июль 17, 2023 12:18

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад