Бар асари боронҳои шадид дар Лоҳури Покистон 9 нафар ба ҳалокат расида, беш аз 10 нафар осеб бардоштанд
ДУШАНБЕ, 07.07.2023 /АМИТ «Ховар»/. Дар натиҷаи боронҳои шадид дар шаҳри Лоҳур (маркази маъмурии музофоти Панҷоб, шарқи Покистон), ки давоми 24 соати охир ба амал омад, 9 нафар ба ҳалокат расида, беш аз 10 нафари дигар осеб бардоштанд. Тавре АМИТ«Ховар» бо истинод ба «Синхуа» хабар медиҳад, дар ин хусус рӯзи панҷшанбе раёсати наҷотдиҳии маҳаллӣ хабар дод.
Тавре раёсати Rescue-1122 иттилоъ дод, ҳалокшудагон аз зарбаи барқ вафот карданд, ғарқ шуданд ё дар зери харобаҳо мондаанд. Дар Лоҳур 291 мм борон борид, ки ин нишондиҳандаи баландтарин дар шаҳр тули 30 соли охир буд.
Тибқи иттилои наҷотдиҳандагон, як оилаи иборат аз чор нафар, аз ҷумла зану шавҳар ва ду фарзанди онҳо, шаби чоршанбе дар натиҷаи фурӯпошии боми хона дар минтақаи Мисри Шоҳ дар шаҳри Лоҳур ба ҳалокат расидаанд. Ҳамзамон дар ноҳияи Токар Санни Парк писари 11-сола дар оби борон ғарқ шуд ва чаҳор нафари дигар, аз ҷумла як зан аз зарбаи барқ дар минтақаҳои гуногуни Лоҳур ҷон бохтанд.
Боронҳои рӯзи чоршанбе ва панҷшанбе боиси обхезии шаҳракҳо гардид ва ба инфрасохтор дар қисматҳои алоҳидаи шаҳр зарар расонд.
Тавре директори генералии Раёсати ҳолатҳои фавқулодаи вилоят Имрон Куреши ба расонаҳои маҳаллӣ хабар дод, таҷҳизот ва кормандони раёсат дар сатҳи баланди омодабошӣ қарор доранд, бо назардошти он ки аксари роҳҳо ва гузаргоҳҳои зеризаминии шаҳр аз об пур шудаанд, он боиси банд шудани ҳаракат дар роҳҳо гардидааст.
АКС аз манбаъҳои боз
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
