Барномаи рушди парвариши павловния дар Ҷумҳурии Тоҷикистон барои солҳои 2024-2028 таҳия ва тасдиқ гардид
ДУШАНБЕ, 31.07.2023. /АМИТ «Ховар»/. Соли равон аз ҷониби Агентии хоҷагии ҷангали назди Ҳукумати Ҷумҳурии Тоҷикистон лоиҳаҳои қарорҳои Ҳукумати Ҷумҳурии Тоҷикистон «Дар бораи Барномаи рушди парвариши павловния дар Ҷумҳурии Тоҷикистон барои солҳои 2024-2028» ва «Дар бораи таъсиси корхонаҳои воҳиди давлатии «Маркази таҳия ва амалисозии лоиҳаҳо» ва «Гурӯҳи ҷангалсозии Тоҷик»» тибқи тартиби муқарраргардида таҳия ва пешниҳод шуда, бо қарорҳои дахлдори Ҳукумати Ҷумҳурии Тоҷикистон қабул гардиданд, иттилоъ дод директори агентӣ Абдуҷаббор Юсуфзода имрӯз зимни нишасти матбуотӣ ба хабарнигорон.
Гуфта шуд, ки дар Агентӣ ҷиҳати бо мақсади дар оянда амалӣ намудани истеҳсол ва коркарди чӯби корӣ оид ба парвариши дарахтони зудафзоишёбанда, аз ҷумла павловния корҳои омӯзишӣ мебарад.
«То ин давра дар 8 қитъаи пилотӣ дар шаҳру ноҳияҳои Ваҳдат, Турсунзода, Панҷакент, Варзоб, Шаҳритус, Хуросон, Данғара ва Кӯшониён ба миқдори умумии зиёда аз 10 ҳазор бех ниҳолҳои павловния шинонида шуда, корҳои нигоҳубини ниҳолҳо дар асоси қоидаҳои агротехникӣ амалӣ мешаванд»,-гуфт директори агентӣ.
Тазаккур дода шуд, ки яке аз самтҳои асосии фаъолияти Агентӣ ва ташкилоту муассисаҳои системаи он- ин пешбурди корҳои бунёду барқароркунии ҷангалзор мансуб мешавад.
Дар доираи амалисолии «Барномаи рушди соҳаи ҷангал барои солҳои 2022-2026», ки ҳадаф аз он нигоҳдории гуногунии биологӣ, барқароркунӣ, зиёд намудани масоҳату маҳсулоти ҷангал маҳсуб мешавад, ба ҳолати 1 июли соли 2023 корҳои бунёд ва барқароркунии ҷангалзор ва бунёди плантатсияҳо дар майдони умумии 2458,6 гектар иҷро гардидааст. Аз он бунёди ҷангал 919,0 гектар, барқароркунии ҷангал 1498,6 гектар ва бунёди плантатсияҳои хуч, писта, чормағз ва дигар намуди дарахтон майдони 41 гектарро ташкил медиҳад.
Зарангези ЛАТИФ,
АМИТ «Ховар»
АКС: АМИТ «Ховар»
«САРСАБЗИИ ВАТАН МАРОМИ МОСТ». Дар ноҳияи Варзоб ҳашари ниҳолшинонӣ доир гардид
БАРНОМАИ ДАВЛАТИИ КАБУДИЗОРКУНӢ. Соли 2026 дар Хатлон 600 ҳазор бех ниҳол шинонида мешавад
ДАРАХТ БИНШОН! Дар ноҳияи Зафаробод 20 ҳазор бех ниҳолҳои ҳамешасабзу ороишӣ ва сояафкан шинонида мешаванд
ДАРАХТИ ПАВЛОВНИЯ ЧӢ АФЗАЛИЯТ ДОРАД? Дар маркази шаҳри Ҳисор беш аз 1500 бех ниҳол шинонида шуд
ДУШАНБЕ — ШАҲРИ САБЗ. Дар ноҳияи Исмоили Сомонӣ маъракаи ниҳолшинонӣ баргузор шуд
ТАҒЙИРЁБИИ ИҚЛИМ. Бо мақсади пешгирӣ аз оқибатҳои он дар Тоҷикистон дар садҳо гектар саксавул шинонида мешавад
ДАРАХТ БИНШОН! Дар Тоҷикистон ҳаракати ҷумҳуриявии ниҳолшинонӣ оғоз гардид
ДАРАХТ БИНШОН! Дар ноҳияи Мастчоҳ 70 ҳазор бех ниҳол шинонида мешавад
БАРНОМАИ ДАВЛАТИИ КАБУДИЗОРКУНӢ. Дар Ҳисор ҷиҳати татбиқи он чӣ тадбирҳо андешида шудааст?
Дар Вилояти Мухтори Кӯҳистони Бадахшон зиёда аз 200 гектар ҷангалзор барқарор карда мешавад
Парвариши ниҳоли мевадиҳанда ва ороишӣ ба мавқеи ҷуғрофӣ вобаста аст
ДАРАХТ БИНШОН! Дар шафати роҳи мошингарди Шоҳамбарии шаҳри Ҳисор беш аз 3000 бех дарахти арча шинонида мешавад
