Дар ноҳияҳои Шуғнон, Рӯшон, Дарвоз ва Ванҷ боғҳои чормағз бунёд карда мешаванд
ДУШАНБЕ, 01.05.2025 /АМИТ «Ховар»/. Дар деҳаи Пашори Ҷамоати деҳоти Поршиневи ноҳияи Шуғнон бо иштироки Раиси Вилояти Мухтори Кӯҳистони Бадахшон ҳашари ниҳолшинонӣ доир гардид. Иштирокдорони ҳашар дар майдони 2 гектар зиёда аз 600 бех ниҳоли мевадиҳанда, аз ҷумла 70 бех ниҳоли чормағзи маҳаллӣ шинонданд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Шуғнон иттилоъ доданд.
Дар ҳашари ниҳолшинонӣ кормандони мақомоти иҷроияи ҳокимияти давлатии ноҳия, вилоят ва сокинони маҳаллӣ фаъолона иштирок намуданд.
Раиси вилоят таъкид кард, ки тибқи назари мутахассисони соҳа, меваи дарахти чормағзи маҳаллӣ барои саломатии инсон муфид буда, дар шароити ноҳияҳои қисмати ғарбии вилоят аз он дар натиҷаи парвариши хуб ҳосили фаровон ба даст овардан мумкин аст. Иброз гардид, ки тибқи нақша, боғҳои чормағзи маҳаллӣ дар ноҳияҳои Рӯшону Дарвоз ва Ванҷ низ бунёд карда мешаванд.
Ёдовар мешавем, ки қаблан низ дар ин боғи навбунёд ҳашарҳои ниҳолшинонӣ гузаронида шуда, ҳоло шумораи дарахтони мевадиҳандаи он зиёда аз 3 ҳазорро ташкил медиҳад.
Дар ноҳияи Шуғнон дар чанд соли охир дар доираи амалисозии дастуру супоришҳои Президенти Тоҷикистон муҳтарам Эмомалӣ Раҳмон барои бунёди боғу ҷангалзори нав ва барқарорсозии боғҳои куҳна тадбирҳои муҳим андешида мешаванд. Аз ҷумла, дар давоми ду соли охир дар қаламрави ноҳия дар масоҳати 35 гектар боғҳои нав бунёд карда шудаанд.
АКС: Мақомоти иҷроияи ҳокимияти давлатии ноҳияи Шуғнон
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
БАРНОМАИ КАБУДИЗОРКУНӢ. Дар мавзеи баландкӯҳи Вору зиёда аз 12 ҳазор бех ниҳол шинонида шуд
«КИШВАРИ САБЗ». Дар Мурғоб беш аз 3 ҳазор бех ниҳоли дарахтони сояафкан шинонида шуд
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихии Тоҷикистон беш аз 7 ҳазор бех ниҳол шинонида шуд
МАСЛИҲАТИ МУТАХАССИС. Дар фасли баҳор танаи дарахтонро бо маҳлули махсус сафед намоед
ИМРӮЗ — РӮЗИ ГУЛ ВА НИҲОЛШИНОНӢ. Пешвои миллат: «Барои наслҳои оянда ниҳол шинонем, боғ бунёд намоем!»
ДАРАХТ БИНШОН! Дар хатсайрҳои сайёҳии Панҷакент беш аз 200 бех ниҳол шинонида шуд
ДАРАХТ БИНШОН! Дар ноҳияи Ёвон беш аз 400 бех ниҳоли арча шинонида шуд
ДАРАХТ БИНШОН! Дар минтақаи Рашт беш аз 5 000 ниҳоли дарахтони ҳамешасабз ва ороишӣ шинонида шуд
Муовини Сарвазири Тоҷикистон бо ҳолати сабзиши дарахтон дар боғу токзори шаҳри Ҳисор шинос гардид
Дар маҳаллаҳои Бӯстон ва Шукуҳии пойтахт 2500 бех ниҳолҳои ҳамешасабз ва мевадиҳанда шинонида шуданд
«ТОҶИКИСТОНРО БА КИШВАРИ САБЗ ТАБДИЛ МЕДИҲЕМ!» Дар Лучоб 7 ҳазор бех ниҳоли дарахтони ҳамешасабзу ороишӣ шинонида шуд
