Дар Ёқутистон калонтарин танӯраи яхбандии абадии ҷаҳон ба обшавии босуръат шуруъ намуд
ДУШАНБЕ, 30.07.2023 /АМИТ «Ховар»/. Аз сабаби гармшавии глобалӣ хамии Батагай (Ёқутистони Русия), бузургтарин танӯраи яхбандии абадии ҷаҳон ба обшавии босуръат шуруъ намуд. Тавре АМИТ«Ховар» иттилоъ медиҳад, дар ин хусус АЗЕРТАҶ хабар додааст.
Хамии Батагай (Батагайка) бо дарозии 1 км ва чуқурии то 100 метр- чуқурии термокарстӣ дар минтақаи қаторкӯҳи Черский дар ноҳияи Верхояни Ёқутистон ҷойгир мебошад. Сокинони маҳаллӣ онро «даромадгоҳи олами зеризаминӣ» меноманд. Институти масъалаҳои физикӣ, химиявӣ ва биологии хокшиносии Маркази илмии ба номи Пушинскийи Академияи илмҳои Русия изҳор намуд, ки танӯра нуқтаи нодири табиие аст, ки таърихи заминро дар яхбандии абадии зиёда аз ним миллион сол нишон медиҳад.
Коршиносон бар ин назар ҳастанд, ки дар ҷараёни обшавӣ чуқурӣ васеъ гардида, ба сангҳо мерасад ва бо мурури замон ин минтақаро дубора ҷангал пахш хоҳад намуд. Аммо хатар дар он аст, ки бо чунин фурӯравии бузурги замин миқдори зиёди газҳои гулхонаии дар хок нигоҳ дошташуда ба фазо партофта мешаванд, ки минбаъд ба тағйирёбии иқлим мусоидат менамоянд.
Азиза ИКРОМ,
АМИТ «Ховар»
АКС: АЗЕРТАҶ
Бахшида ба Рӯзи матбуоти тоҷик дар Маркази тадқиқоти стратегӣ мизи гирд баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар шаҳри Душанбе ҳаво то 24 дараҷа гарм мешавад
