Олим маълумотдиҳандаи ченкунии изтиробро аз рӯи фаъолияти электрикии пӯст таҳия намуд
![](https://khovar.tj/wp-content/uploads/2023/07/Uchenyj-razrabotal-datchik-izmereniya-stressa-po-elektricheskoj-aktivnosti-kozhi.jpg)
ДУШАНБЕ, 23.07.2023 /АМИТ «Ховар»/. Олими Донишгоҳи давлатии Новгород (ДДН) маълумодиҳандаи ченкунии фишорро дар асоси фаъолияти электрикии пӯст таҳия намуд. Маълумотдиҳандаро метавон дар дастгоҳҳои ченкунии сатҳи изтироб, дар соатҳои доно ва дастбандҳои варзишӣ, инчунин дар системаҳои идоракунии кормандоне, ки фаъолияти онҳо бо хатари зиёд алоқаманд аст, истифода бурд, хабар медиҳад дафтари матбуоти донишгоҳ ба ТАСС.
«Дар бозор монанди ин асбоб вуҷуд надорад. Маълумотдиҳандагони мавҷуда аз рӯи усули Ферре кор менамоянд, ки он ба гузариши ҷараёни электрикӣ аз минтақаи пӯст асос ёфтааст. Агар он муддати тӯлонӣ истифода бурда шавад, боиси барангезиши пӯст мегардад. Маълумотдиҳандаи мо усули Тархановро истифода мебарад — дар занҷираи барқ манбаи берунии ҷараён мавҷуд нест ва арзишҳои эҳтимолӣ бо галванометри ҳассос сабт карда мешаванд», — шарҳ доданд дар хадамоти матбуотӣ.
Маълумотдиҳанда, ки онро муҳандиси озмоишгоҳи нейротехнологии Донишгоҳи давлатии Новгород Павел Шадурский сохтааст, барои ченкунии доимии дарозмуддати реаксияи пӯсти галванӣ, ки барои назорат кардани ҳолати асаби одам зарур аст, мувофиқ мебошад. Ҳар як истеъмолкунанда метавонад аз дастгоҳ истифода барад, тамоми ҷузъҳои истифодашуда истеҳсоли Русия ва Чин мебошанд. Лоиҳа бо дастгирии Озмоишгоҳи нейротехнологияҳои донишгоҳ таҳия шудааст.
Азиза ИКРОМ,
АМИТ «Ховар»
АКС аз манбаъҳои боз