Шаш давлати Аврупо ба Созмони ҷаҳонии тандурустӣ аз хуруҷи эховирус-11 дар байни кӯдакони навзод иттилоъ доданд
ДУШАНБЕ, 12.07.2023 /АМИТ «Ховар»/. Британияи Кабир, Испания, Италия, Фаронса, Хорватия ва Шветсия ба Созмони ҷаҳонии тандурустӣ дар бораи афзоиши ҳолатҳои сирояти эховирус-11 (E-11) гузориш додаанд. Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзномаи La Razón рӯзи сешанбе хабар додааст.
Моҳи май Фаронса ба Созмони ҷаҳонии тандурустӣ дар бораи афзоиши ҳолатҳои сепсиси шадид дар байни кӯдакони навзод, ки аз сирояти Э-11 ба вуҷуд омадаанд, хабар дод. Аз ин сабаб ҳафт нафар кӯдак фавтида, ду нафари дигар дар ҳолати вазнин қарор доштанд. Шуруъ аз моҳи июн, ҳолатҳои сироятёбӣ дар дигар давлатҳои Аврупо низ ошкор карда шуданд.
Тибқи маълумоти Созмони ҷаҳонии тандурустӣ , аз соли 2016 то соли 2021 ҳиссаи ҳолатҳои сироятӣ Э-11 дар байни кӯдакон дар муқоиса бо дигар ҳолатҳои сироятёбӣ 6,2% ва дар соли 2022 он ба 55% расидааст. Чунин афзоиши беморӣ ва мушкилот дар байни кӯдакони навзод ғайримуқаррарӣ арзёбӣ мешавад.
Ҳарчанд Созмони ҷаҳонии тандурустӣ таҳдид ба саломатии мардумро паст номид, аммо Созмон аз давлатҳои осебдида даъват кардааст, ки дар бораи ҳолатҳои нави сироятёбӣ ба ин созмон хабар диҳанд ва табибон кӯдакон ба ин навъи сироят гумонбарро аз ташхиси энтеровирусҳо гузаронда, ҳангоми ҷамъоварии намунаҳо тамоми чораҳои эҳтиётиро риоя намоянд.
Эховирус-11 мутааллиқ ба гурӯҳи энтеровирусҳо буда, бемориҳои гуногуни сироятиро ба вуҷуд меорад. Эпидемияи энтеровирусҳо ҳамасола рух медиҳад. Одатан беморӣ дар шакли сабук мегузарад, лекин дар навзодон вазнинтар аст. Дар навзодон он метавонад ба аломат (синдром)-и илтиҳоби бисёрсистемавӣ, аз ҷумла гепатитҳои шадиди вирусӣ, сепсис, менингит ва ихтилоли хунравӣ оварда расонад.
Азиза ИКРОМ,
АМИТ «Ховар»
АКС: EPA-EFE / Filip Singer
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
