Шуруъ аз имрӯз дар боғҳои фарҳангӣ-фароғатии шаҳри Душанбе намоиш-фурӯши маҳсулоти кишоварзӣ доир мегардад

ДУШАНБЕ, 01.07.2023. /АМИТ «Ховар»/. Шуруъ аз 1 июл то 3 сентябри  соли равон дар боғҳои фарҳангӣ-фароғатии пойтахти мамлакат — шаҳри Душанбе шаҳру ноҳияҳои ҷумҳурӣ Намоиш-фурӯши маҳсулоти кишоварзӣ, ҳунарҳои мардумӣ, таъомҳои миллӣ ва барномаҳои фарҳангиву фароғатӣ баргузор менамоянд, хабар медиҳад АМИТ «Ховар».

Намоиш — фурӯш дар боғҳои фарҳангӣ-фароғатии шаҳри Душанбе аз ҷониби шаҳру ноҳияҳои Ҳисор, Бохтар, Конибодом, Ваҳдат, Турсунзода, Панҷакент, Норак, Исфара, Хуҷанд, Рӯдакӣ, Спитамен, Рашт, Хуросон, Варзоб, Мастчоҳ, Ашт, Дарвоз ва дигар шаҳру ноҳияҳои ҷумҳурӣ доир карда мешавад.

Вақти баргузории намоиш-фурӯши маҳсулоти кишварзӣ ва таъомҳои миллӣ аз соати 8 то 11 ва намоиши ҳунарҳои мардумӣ ва барномаи фарҳангиву адабӣ аз соати 17:00 то 20:00 муқаррар карда шудааст.

 АКС: АМИТ «Ховар»