БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Ашт 740 иншоот ба истифода дода мешаванд
ДУШАНБЕ, 06.08.2023 /АМИТ «Ховар»/. Дар ноҳияи Ашт бо дастгирии Ҳукумати Ҷумҳурии Тоҷикистон бунёди иншооти гуногун идома дошта, ба истиқболи 35-солагии Истиқлолияти давлатии Ҷумҳурии Тоҷикистон 740 иншоот ба истифода дода мешавад. Аз ҷумла, дар соҳаи саноат бунёди силсилаи корхонаҳои хурду бузург ба нақша гирифта шуда, имрӯзҳо дар бархе аз онҳо корҳои сохтмонӣ идома доранд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Тавре хабар дода мешавад, дар ноҳияи Ашт соҳаи саноат рушд ёфта, ҳаҷми истеҳсоли маҳсулоти саноатӣ сол аз сол бештар мегардад.
Таҳлилҳо нишон медиҳанд, ки давоми шаш моҳи соли равон ҳаҷми истеҳсоли маҳсулоти саноатӣ ба 219 миллиону 211 ҳазор сомонӣ баробар гардидааст, ки нисбат ба ҳамин давраи соли гузашта 131 миллиону 317 ҳазор сомонӣ зиёд мебошад. Аз 17 намуди асосии маҳсулоти саноатии дар ноҳия истеҳсолшаванда дар давраи ҳисоботӣ истеҳсоли 16 номгӯй зиёд гардидааст.
Раиси вилоят Раҷаббой Аҳмадзода дар ноҳияи Ашт бо ҷараёни корҳои сохтмони корхонаҳои саноатӣ, аз ҷумла коргоҳи консервабарорӣ ва сардхонаи замонавӣ дар деҳоти Шодоба ва фабрикаи ресандагӣ шинос гардида, таваҷҷуҳи масъулинро ба масъалаи вусъати корҳои сохтмонӣ ва зиёд намудани шумораи сохтмончиён дар иншооти саноатӣ равона намуд.
Дар деҳаи Дӯстии Ҷамоати деҳоти Ашт бинои таваллудхона барои 10 кат сохта шуда, тибқи иттилои масъулин, корҳои сохтмонӣ қариб 85 дарсад иҷро шудаанд. Иншооти мазкур бо харҷи 5 миллиону 190 ҳазор сомонӣ аз ҷониби Фонди хайриявии Ҷумҳурии Тоҷикистон бунёд карда мешавад.
Раиси вилоят бо ёдоварӣ аз дастуру супоришҳои Пешвои миллат муҳтарам Эмомалӣ Раҳмон дар мавриди бунёди таваллудхонаҳо дар деҳоти дурдаст масъулинро вазифадор намуд, ки иншооти мазкур бо тамоми таҷҳизоту лавозимоти зарурии тиббӣ таъмин карда шавад.
АКС: Хадамоти матбуоти Раиси вилояти Суғд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷайҳун Муассисаи таҳсилоти миёнаи умумии рақами 53-ро ба истифода доданд
