Дар шаҳри Душанбе Форуми III шаҳрии варзишгарони пойтахт баргузор гардид

Август 18, 2023 17:40

ДУШАНБЕ, 18.08.2023. /АМИТ «Ховар»/. Имрӯз дар шаҳри Душанбе Форуми III шаҳрии варзишгарони пойтахт баргузор гардид. Форуми мазкур ба Рӯзи варзишгарони Тоҷикистон ва 32-солагии Истиқлолияти давлатӣ бахшида шуд. Дар ин хусус АМИТ «Ховар»  хабар медиҳад.

Дар форуми мазкур роҳбарияти шаҳри Душанбе, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Раёсати кор бо ҷавонон ва варзиши шаҳри Душанбе, намояндагони сохторҳои соҳаи варзиш ва мураббиёну варзишгарон иштирок доштанд.

Дар форум вобаста ба дастовардҳои соҳаи варзиши мамлакат дар даврони соҳибистиқлолӣ сухан гуфта шуд.

Солҳои охир таваҷҷуҳи роҳбарияти олии мамлакат ва Раиси шаҳри Душанбе ба соҳаи варзиш зиёд гардидааст. Ҳамин аст, ки маҷмааву толорҳои зиёди муосири варзишӣ сохта, ба истифода дода шудаанд, ки дар рушди бештари соҳа заминаи хуб мегузорад.

Зимни форум тазаккур дода шуд, ки имрӯзҳо дар шаҳри Душанбе бо дастгирии Раиси шаҳри Душанбе муҳтарам Рустами Эмомалӣ тамоми санадҳои дахлдор ба хотири таъмини оммавияти варзиш ва таҳкими тарзи ҳаёти солим амалӣ гардида, тараққӣ додани соҳаи варзиш ва ташвиқу тарғиби тарзи ҳаёти солим дар байни наврасону ҷавонон яке аз самтҳои муҳимтарини фаъолияти Мақомоти иҷроияи ҳокимияти давлатии шаҳри Душанбе маҳсуб мешавад, зеро ҳар қадаре, ки наврасону ҷавонон солиму сиҳатманд бошанд, давлату миллат низ ҳамон андоза неруманду тавоно ва қудратманд мегардад.

Инчунин намудҳои миллии варзиш дар арсаи байналмилалӣ муаррифӣ гардида, дар панҷ соли охир дар пойтахт чандин мусобиқаҳои байналмилалӣ, аз ҷумла дар шашмоҳаи аввали соли 2023  7 маротиба мусобиқаҳои сатҳи байналмилалӣ баргузор гардиданд. Дар ин мусобиқаҳо 1303 нафар варзишгарон аз 127 давлати ҷаҳон ба пойтахти азизамон – шаҳри Душанбе омаданд.

Ҳамзамон бо мақсади солимгардонӣ ва ҷалби наврасону ҷавонон ба варзиш аз соли 2017 инҷониб дар шаҳри Душанбе 312 майдончаи варзишӣ ва ҳамзамон шумораи зиёди боғҳои фарҳангию фароғатӣ, гулгаштҳо ва дигар инфрасохтори соҳаи варзиш ба истифода дода шудаанд. Ин ҳама аз дастгирию ғамхориҳои Раиси шаҳри Душанбе нисбат ба насли ҷавону ояндасози миллат гувоҳӣ медиҳад.

АКС аз манбаъҳои боз

 

Август 18, 2023 17:40

Хабарҳои дигари ин бахш

«ҶОМИ РУШД-2024». Иштироки дастаи мунтахаби наврасони Тоҷикистон (U-16) дар ин мусобиқа ба анҷом расид
ФУТБОЛ. Шаҳром Самиев фаъолияташро дар дастаи «Андиҷон»-и Узбекистон идома медиҳад
Ҷавонони Донишгоҳи давлатии Хуҷанд пешниҳоди Рӯзи ҷаҳонии футболро ҷонибдорӣ менамоянд
Маросими ҷамъбаст ва ҷоизасупории Фестивали дӯстии афсарону сарбозон ва ҷавонони шаҳри Душанбе доир шуд
Дар Теҳрон ҷаласаи Гурӯҳи кории махсус оид ба мусоидат ба сармоягузории давлатҳои аъзои Созмони ҳамкории Шанхай доир гардид
Дар Хатлон Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон баргузор шуд
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҷаласаи байниидоравӣ оид ба таҳия ва пешниҳоди Барномаи миллӣ оид ба барҳамдиҳии шаклҳои бадтарини меҳнати кӯдакон дар Тоҷикистон доир гардид
МАСЛИҲАТИ МУТАХАССИС. Саидалӣ Гулов: «Дар ҳавои сард набояд корҳои башаклдарорӣ ва буриши дарахтон анҷом дода шаванд»
Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд
Ба Пешвои миллат Эмомалӣ Раҳмон аз ҷониби Раиси шаҳри Душанбе Рустами Эмомалӣ лоиҳаҳои навсозии минбаъдаи пойтахт муаррифӣ гардиданд
Дар Минск вохӯрии раисони комиссияҳои марказии интихоботи Тоҷикистон ва Беларус доир шуд