Дар «Тоҷикстандарт» оид ба риояи талаботи ҳуҷҷатҳои меъёрӣ чун омили таъмини бехатарии маҳсулот машварат доир шуд
ДУШАНБЕ, 02.08.2023 /АМИТ «Ховар»/. Дар Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон бо субъектҳои истеҳсоли обҳо ва нӯшокиҳои ғайриспиртӣ дар мавзуи «Риояи талаботи ҳуҷҷатҳои меъёрии ҳуқуқӣ ва техникӣ-омили таъмини сифат ва бехатарии маҳсулот» машварат баргузор шуд. Дар ин хусус АМИТ «Ховар» бо истинод ба Агентии «Тоҷикстандарт» хабар медиҳад.
Дар машварат гуфта шуд, ки корхонаҳои соҳаи истеҳсолӣ ҷиҳати дар амал татбиқ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар самти татбиқи ҳадафи чоруми миллӣ- саноатикунонии босуръати мамлакат мусоидат намуда истодаанд. Ҳоло бо истифода аз имконият даҳҳо корхонаҳои истеҳсолӣ фаъолият намуда, зиёд гаштани номгӯи маҳсулот, аз ҷумла обҳо ва нӯшокиҳои ғайриспиртӣ дар бозори истеъмолии ҷумҳурӣ аз ин шаҳодат медиҳад.
Бо мақсади дастгирии соҳибкорӣ, хусусан соҳибкории соҳаи истеҳсолӣ ва дар ин замина рушд додани истеҳсоли ватанӣ аз ҷониби Ҳукумати Ҷумҳурии Тоҷикистон барномаҳои давлатӣ ҷиҳати мусоидат ба воридотивазкунии Ҷумҳурии Тоҷикистон қабул ва дар амал татбиқ гашта истодаанд, ки ба таъмини сифат ва рақобатпазирии маҳсулоти истеҳсолоти ватанӣ мусоидат менамоянд. Масъалаи таъмини сифат ва бехатарии истеҳсоли маҳсулот яке аз самтҳои фаъолияти Агентӣ ба шумор рафта, пеш аз ҳама, ба маърифати ҳуқуқии истеҳсолкунандагони маҳсулот низ вобаста аст.
Дар машварат мутахассисон ва масъулин дар робита ба талаботи ҳуҷҷатҳои меърии техникӣ оид ба бехатарии обҳо ва нӯшокиҳои ғайриспиртӣ сухан гуфтанд. Ҳамчунин мутахассиси самти метрологияи Агентӣ ҷиҳати талабот ба миқдор ва бастубанди маҳсулоти хӯрокворӣ ба истеҳсолкунандагон дақиқияти масъалаи мазкурро фаҳмонид.
АКС: Агентии «Тоҷикстандарт»
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
