Донишгоҳи байналмилалии сайёҳӣ ва соҳибкории Тоҷикистон дар вилоятҳои Суғду Хатлон ду коллеҷ таъсис додааст
ДУШАНБЕ, 05.08.2023 /АМИТ «Ховар»/. Донишгоҳи байналмилалии сайёҳӣ ва соҳибкории Тоҷикистон аз таъсиси ду коллеҷ дар минтақаҳои шимолу ҷануби Тоҷикистон -вилоятҳои Суғду Хатлон хабар дод.
Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода 4 август зимни нишасти матбуотӣ ба доираи васеи хабарнигорон иттилоъ дод, ки Коллеҷи саноат ва хизматрасониҳои иҷтимоӣ дар шаҳри Леваканти вилояти Хатлон ва Коллеҷи сайёҳӣ ва хизматрасониҳои иҷтимоӣ дар маркази маъмурии вилояти Суғд- шаҳри шаҳри Хуҷанд бо қарорҳои Ҳукумати Ҷумҳурии Тоҷикистон аз моҳи июни соли равон дар назди Донишгоҳи байналмилалии сайёҳӣ ва соҳибкории Тоҷикистон таъсис дода шуданд.
Коллеҷи саноат ва хизматрасониҳои иҷтимоӣ дар шаҳри Левакант нахустин муассисаи таҳсилоти миёнаи касбӣ дар самти омодасозии мутахассисони соҳаи саноати ҷумҳурӣ буда, бо ҳадафи ноил гардидан ба мақсадҳо ва вазифаҳои Стратегияи рушди саноат дар Ҷумҳурии Тоҷикистон барои давраи то соли 2030, амалисозии ҳадафи чоруми миллӣ-саноатикунонии босуръат, инчунин иҷрои нақшаи чорабиниҳои Солҳои рушди саноат (2022-2026) таъсис дода шудааст.
Коллеҷи сайёҳӣ ва хизматрасониҳои иҷтимоӣ дар вилояти Суғд бо мақсади омода намудани мутахассисони соҳаи сайёҳӣ ва хизматрасонӣ, татбиқи амалии ҳадафу вазифаҳои Стратегияи рушди сайёҳӣ дар Ҷумҳурии Тоҷикистон барои давраи то соли 2030 таъсис доа шудааст.
Таъсиси ин коллеҷҳо дар шаҳрҳои Левакант ва Хуҷанд ва филиалҳо дар сохтори Донишгоҳи байналмилалии сайёҳӣ ва соҳибкории Тоҷикистон имкон медиҳад, ки донишгоҳ мутахассисонро дар чорчӯбаи талаботи таҳсилоти бисёрзинагӣ, яъне таҳсилоти миёнаи умумӣ, ибтидоии касбӣ, миёнаи касбӣ, олии касбӣ ва баъдидипломӣ омода ва пешниҳоди бозори меҳнат намояд.
Марзия САИДЗОДА,
АМИТ «Ховар»
АКС: АМИТ «Ховар»
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
