Фаъолияти мақомоти судии Тоҷикистон ба таъмини адолати иҷтимоӣ, ҳифзи ҳуқуқу озодиҳои инсон, шаҳрванд ва манфиати давлат равона шудааст
ДУШАНБЕ, 14.08.2023. /АМИТ «Ховар»/. Қонун «Дар бораи танзими анъана ва ҷашну маросим дар Ҷумҳурии Тоҷикистон», пеш аз ҳама, ба ҳифзи арзишҳои асосии фарҳанги миллӣ, эҳтиром ба суннатҳои мардумӣ, ҳамзамон баланд бардоштани сатҳи зиндагии шаҳрвандон равона гардидааст. Расму оинҳои миллӣ ва ҷашну маросим дар ҳаёти фарҳангӣ, маънавӣ ва моддии халқамон таърихи басе тӯлонӣ дошта, нақши онҳо ҳамчун қисми таркибии фарҳанги миллӣ дар тарбияи насли наврас хеле муҳим мебошад. Аз ҳамин нуқтаи назар бояд дарк намуд, ки танзими расму оинҳои миллӣ ва анъанаҳову маросими динӣ дар таҳкими худшиносии миллӣ дорои аҳамияти маънавиву тарбиявӣ аст, — чунин изҳор кард Раиси Суди Олии Ҷумҳурии Тоҷикистон Шермуҳаммад Шоҳиён имрӯз зимни нишасти матбуотӣ оид ба фаъолияти судҳои мамлакат давоми 6 моҳи соли равон.
Дар идомаи мавзуъ ба хабарнигорони ВАО-и ватанӣ ва хориҷӣ иттилоъ дода шуд, ки вобаста ба риоя накардани Қонун «Дар бораи танзими анъана ва ҷашну маросим дар Ҷумҳурии Тоҷикистон» аз ҷониби судҳо дар давраи ҳисоботӣ 419 парвандаи ҳуқуқвайронкунии маъмурӣ нисбат ба 419 шахс баррасӣ шуда, аз ин шумора ба 418 шахс ба маблағи умумии 2 млн 114 ҳазору 332 сомонӣ ҷарима татбиқ шудааст. Аз ин шумора 176 парвандаи маъмурӣ дар мурофиаҳои сайёри судӣ баррасӣ шуда, бо мақсади пешгирии чунин қонуншиканиҳо 170 таъйиноти хусусӣ қабул гардид.
Дар шашмоҳаи аввали соли равон бинобар риоя накардани Қонун «Дар бораи масъулияти падару модар дар таълиму тарбияи фарзанд» 9 ҳазору 761 парванда баррасӣ шуда, нисбат ба 8 ҳазору 835 шахс қарор қабул шудааст. Аз ҷумла, нисбат ба 5 ҳазору 657 нафар ҷарима ба маблағи умумии 11 миллиону 552 ҳазор сомонӣ таъйин шудааст.
Дар нишасти матбуотӣ иттилоъ дода шуд, ки бо мақсади баланд бардоштани сатҳи дониш, боло бурдани маърифати ҳуқуқии шаҳрвандон бо иштироки судяҳои судҳои зинаҳои гуногун давоми шаш моҳ 26 барномаи «Маърифати ҳуқуқӣ»-и радиои «FM-Ховар» таҳия, сабт ва пахш шудааст, ки аз ҷониби шунавандагони радио хеле хуб пазируфта шудааст.
Таъкид шуд, ки фаъолияти мақомоти судии мамлакат ба таъмини адолати иҷтимоӣ ва волоияти қонун дар ҷомеа, таъмини ҳифзи ҳуқуқу озодиҳои инсон ва шаҳрванд, манфиати давлат, ташкилоту муассисаҳо ва қонунияту адолат равона шудааст.
А. САНГЗОДА,
АМИТ «Ховар»
АКС: АМИТ «Ховар»
ЗИМИСТОН ФАРО РАСИД. Дар моҳи аввали ин фасл ҳарорати ҳаво аз меъёри иқлимӣ 1 дараҷа паст пешгӯӣ мешавад
Дар Истаравшан 45 километр роҳҳои калони нақлиётгард мумфарш карда шуданд
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Шуғнон 233 иншоот бунёду навсозӣ мешаванд
МАСЛИҲАТИ МУТАХАССИС. Мош қобилияти дуру дароз захира шуданро дорад
Шабакаҳои барқи ноҳияи Восеъ ба фасли зимистон омода мебошад
Имрӯз дар Тоҷикистон бориши борон дар назар аст
Дар Душанбе конфронси минтақавӣ оид ба ҳамкорӣ барои рушди устувор доир гардид
«МАКТАБИ ХАБАРНИГОРОНИ ҶАВОН». Таҳти чунин унвон дар Хатлон даври омӯзишӣ оғоз гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Кумитаи ҳолатҳои фавқулода ва мудофиаи гражданӣ: «Дар рӯзҳои боронӣ дучанд эҳтиёт намоед!»
Намояндаи Агентии амнияти химиявӣ, биологӣ, радиатсионӣ ва ядроӣ дар Конфронси сатҳи вазирони Агентии байналмилалии нерӯи атомӣ иштирок намуд
Ҳисоботи Тоҷикистон дар ҷаласаи пленарии Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда шунида шуд
