ФУТБОЛ. 24 сентябр марҳилаи сеюми Чемпионати Тоҷикистон-2023 оғоз мешавад
ДУШАНБЕ, 31.08.2023 /АМИТ «Ховар»/. Бар асоси нақшаҳои Лигаи футболи Тоҷикистон 24 сентябр бозиҳои марҳилаи сеюми мусобиқоти чемпионати мамлакат байни дастаҳои Лигаи олӣ оид ба футбол оғоз мешаванд. Дар ин хусус ба АМИТ «Ховар» дар Федератсияи футболи Тоҷикистон хабар доданд.
Ба далели он ки бозии мавқуфгузоштаи даври сенздаҳум байни бошгоҳҳои КМВА ва «Истиқлол» то ҳол баргузор нашудааст (бозӣ моҳи сентябр баргузор мешавад), мавқеи ҷойгиршавии дастаҳои панҷгонаи поёнии чемпионати Тоҷикистон-2023 маълум нест.
Ҳангоми тартиб додани тақвими марҳилаи сеюми чемпионати Тоҷикистон-2023 бошгоҳҳо мувофиқи ҷойи ишғолкардаи худ рақамҳои силсилавӣ мегиранд. Тақвими марҳилаи сеюми чемпионат бо истифода аз ҷадвали Бергер тартиб дода мешавад.
Дар марҳилаи сеюми чемпионати Тоҷикистон дастаҳо ба ду гурӯҳ ҷудо мегарданд. Имтиёзҳои дар ду марҳила бадастоварда нигоҳ дошта мешаванд. Аз рӯи натиҷаҳои қисми аввал панҷ бошгоҳи беҳтарин дар гурӯҳи «А» дар як давр байни ҳам бозӣ карда, барои ҷойҳои аз 1 то 5-и ҷадвал мубориза мебаранд. Панҷ дастаи боқимонда дар гурӯҳи «Б» дар алоҳидагӣ бозӣ карда, барои ҷойҳои аз 6 то 10-ум рақобат менамоянд. Дар охири мавсим ду дастаи поёнӣ ба Лигаи якум меравад. Дар маҷмуъ ҳар даста дар чемпионати Тоҷикистон-2023 22-бозигӣ анҷом медиҳад.
АКС: Федератсияи футболи Тоҷикистон
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
