ФУТБОЛ. Дар даври 16-уми Лигаи олии Чемпионати Тоҷикистон дастаи «Хатлон» ба «Равшан» ва «Истиқлол» ба «Регар-ТадАЗ» ғолиб омаданд
ДУШАНБЕ, 09.08.2023 /АМИТ «Ховар»/. 8 август се вохӯрии даври 16-уми Чемпионати Тоҷикистон оид ба футбол дар сатҳи баланд баргузор гардид. Дастаи футболи «Истиқлол»-и шаҳри Душанбе дар ин даври мусобиқа бо ҳисоби калон бар дастаи «Регар-ТадАЗ»-и шаҳри Турсунзода зафар ёфта, дастаи футболи «Хатлон»-и шаҳри Бохтар дастаи «Равшан»-и шаҳри Кӯлобро шикаст дод. Дастаҳои футболи «Ҳосилот»-и ноҳияи Фархор ва КМВА дар шаҳри Душанбе бозиашонро мусовӣ анҷом доданд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар додааст.
Дастаи футболи «Хатлон»-и шаҳри Бохтар дар бозии даври шонздаҳуми Чемпионати Тоҷикистон-2023 бо ҳисоби 2 бар 1 бар дастаи «Равшан»-и шаҳри Кӯлоб пирӯз шуда, силсилаи ҳафт вохӯрии бебарори худро қатъ намуд. Вохӯрии дастаҳо дар варзишгоҳи «Пахтакор»-и шаҳри Бохтар дар ҳузури 2 000 нафар мухлис доир гардид. Голҳоро дар ин бозӣ аз ҳайати дастаи «Хатлон» Крис Эммануэл Какоу дар дақиқаи 32-юм ва Тоҳирҷон Тағойзода дар дақиқаи 45+3 ба нишон расониданд. Аз ҳайати дастаи футболи «Равшан»-и шаҳри Кӯлоб ягона голро Ҷозеф Акомади дар дақиқаи 81-ум ба нишон расонид. Аз ҳайати дастаи «Хатлон» – Аҳлиддин Ҳабибуллоев беҳтарин бозингари вохӯрӣ эътироф гардид.
Дар бозии дигари даври 16-ум дастаи КМВА-и шаҳри Душанбе ба муқобили дастаи «Ҳосилот» –и ноҳияи Фархор мусовӣ- 0 бар 0 бозӣ кард. Аз ҳайати “артишиҳо” – Бакинде Билонг Ҷерард беҳтарин бозингари вохӯрӣ эътироф гардид.
Дар бозии дигари даври 16-уми Лигаи олӣ дастаҳои футболи «Истиқлол»-и шаҳри Душанбе ва «Регар-ТадАЗ»-и шаҳри Турсунзода рақобат нишон додан два бозӣ бо ҳисоби калони 5 бар 0 ба нафъи футболбозони шаҳри Душанбе анҷом ёфт. Голҳоро дар ин бозии ҷолиб Сенин Себаи дар дақиқаи 28-ум, Эҳсони Панҷшанбе дар дақиқаи 74-ум, Алиҷони Айнӣ дар дақиқаи 79-ум, Амадонӣ Камолов дар дақиқаи 84-ум ва Алишер Ҷалилов дар дақиқаи 90+1 ба нишон расониданд.
Беҳтарин бозингари вохӯрӣ аз ҳайати дастаи футболи «Истиқлол»-и шаҳри Душанбе Алишер Ҷалилов дониста шуд.
Хотиррасон мешавем, ки имрӯз бозиҳои дигари даври 16-ум баргузор мегарданд. Дастаҳои футболи «Кӯктош»-и ноҳияи Рӯдакӣ бо «Файзканд»-и ноҳияи Восеъ ва «Хуҷанд»-и шаҳри Хуҷанд бо «Эсхата» вориди майдони рақобат мегарданд.
Дар ҷадвали мусобиқа ҳоло дастаи футболи «Истиқлол»-и шаҳри Душанбе бо 33 имтиёз қарор дорад.
АКС: Федератсияи футболи Тоҷикистон
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
