ЛИГАИ ЧЕМПИОНҲОИ КФО-2023/24. Рақибони дастаи «Истиқлол» дар марҳилаи гурӯҳӣ муайян шуданд

ДУШАНБЕ, 24.08.2023 /АМИТ «Ховар»/. Аз рӯи натиҷаи қуръакашии марҳилаи гурӯҳии Лигаи чемпионҳои КФО-2023/24 қаҳрамони Тоҷикистон-дастаи  «Истиқлол»-и Душанбе ба гурӯҳи «Е» шомил шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Рақибони бошгоҳи Душанбе дастаҳои «Персеполис» (Эрон), «Ал-Дуҳайл» (Қатар) ва «Ал-Наср» (Арабистони Саудӣ) хоҳанд буд, ки ба ҳайати он капитани дастаи миллии Португалия Криштиану Роналду шомил аст.

Дастаи «Истиқлол»-и Душанбе бозии якуми худро дар марҳилаи гурӯҳии Лигаи чемпионҳои КФО-2023/24 дар майдони худ бо тими «Ал-Дуҳайл»-и Қатар анҷом медиҳад. Ин дидор 18 сентябр дар Варзишгоҳи марказии Душанбе баргузор мешавад.

Бояд гуфт, ки аз рӯи натиҷагирии марҳилаи гурӯҳӣ ғолибони панҷ гурӯҳ аз ҳар минтақа, инчунин се даста, ки дар гурӯҳҳои худ бо натиҷаи беҳтарин ҷойи дуюмро мегиранд, ба даври 1/8-ниҳоии мусобиқа роҳ меёбанд.

Натиҷаи қуръакашии марҳилаи гурӯҳии Лигаи чемпионҳои Осиё-2023/24:

Минтақаи Ғарб

Гурӯҳи «А»:

«Пахтакор» (Узбекистон)

«Ал-Фейҳа» (Арабистони Саудӣ)

«Аҳал» (Туркманистон)

«Ал-Айн» (АМА)

Гурӯҳи «В»:

«Ал-Садд» (Қатар)

«Насаф» (Узбекистон)

«Ал-Файсалӣ» (Урдун)

«Шарҷа» (АМА)

Гурӯҳи «С»:

«Ал-Иттиҳод» (Арабистони Саудӣ)

«Сипоҳон» (Эрон)

«Эйр Форс (Ироқ)

AГМК (Узбекистон)

Гурӯҳи D:

«Ал-Ҳилол» (Арабистони Саудӣ)

«Нассоҷи Мозандарон» (Эрон)

«Мумбай Сити» (Ҳиндустон)

«Навбаҳор» (Узбекистон)

Гурӯҳи «Е»:

«Персеполис» (Эрон)

«Ал-Дуҳайл» (Қатар)

«ИСТИҚЛОЛ» (ТОҶИКИСТОН)

«Ал-Наср» (Арабистони Саудӣ)

АКС: Федератсияи футболи Тоҷикистон